19.12.2025 | 17:29
Արագածոտնի մարզի Շամիրամ համայնքին կվերադարձվի 13.7 հա մակերեսով հողատարածք. Դատախազության հայցը բավարարվել է
Ձեզ SMS կտան, կկարդաք, սկի չեք էլ հասկանա՝ ինչ եք կարդում. Նիկոլ Փաշինյանը՝ Աննա Մկրտչյանին. ՏԵՍԱՆՅՈՒԹ
Քաղաքականություն
08.12.2021 | 17:02
«Ես ձեր մեկնաբանությունների հետ համաձայն չեմ»,- այս մասին Ազգային ժողով – կառավարություն հարցուպատասխանի ժամանակ նշեց վարչապետ Նիկոլ Փաշինյանը՝ անդրադառնալով «Պատիվ ունեմ» խմբակցության պատգամավոր Աննա Մկրտչյանի՝ նոյեմբերի 9-ի հայտարարության վերաբերյալ մեկնաբանությանը:
«Մեր բոլոր մեկնաբանությունները մանրամասն ձևակերպված է Արտաքին գործերի նախարարության դեկտեմբերի 7-ի մեկնաբանության մեջ։ Հիմա հարցի էությունը որն է, ուզում եք ստանաք պատասխան՝ մենք միջանցքի վերաբերյալ ունե՞նք պայմանավորվածություն, թե՞ դուք ուզում եք միջանցքի վերաբերյալ պայմանավորվածություն ունենանք։ Ես ձեր ասած մեկնաբանությունների հետ համաձայն չեմ… Եթե ձեր ուզածը դա է, դա ուրիշ խնդիր է»,- նշեց վարչապետը:
«ՀՀ-ն շահագրգռված է բոլոր ճանապարհների բացմամբ, ես մեկ անգամ չեմ ասել, և ԱԳՆ երեկվա հայտարարության մեջ էլ է դա հստակ արձանագրված է, որ մենք պատրաստ ենք և շահագրգռված ենք տարածաշրջանի բոլոր տնտեսական և տրանսպորտային կապերի բացմամբ՝ այն ընկալմամբ, որ, Ադրբեջանը պետք է երկաթուղային և ավտոմոբիլային հաղորդակցություն ստանա Նախիջևանի հետ Հայաստանի Հանրապետության տարածքով, Հայաստանի Հանրապետությունն էլ Ադրբեջանի տարածքով էլ երկաթուղային կապ ստանա դեպի Իրանի Իսլամական Հանրապետություն և Ռուսաստանի Դաշնություն, ինչպես նաև ավտոմոբիլային հաղորդակցություն Ադրբեջանի տարածքով դեպի Ռուսաստանի Դաշնություն։
Կարծում ենք՝ պետք է գնանք այս տրամաբանության լուծումների և կարծում ենք, որ այն ինչ-որ մենք առաջարկում ենք և այն ինչ արձանագրել ենք երեկ արտաքին գործերի նախարարության հայտարարության մեջ լիարժեք համապատասխանում է մեր երկրի շահերին։ Նախկինում ասել եմ, որ չեմ հասկանում այն հռետորաբանությունը, որ մեր բոլոր ճանապարհները պետք է փակ լինեն, որպեսզի ոչ մեկ մեր ճանապարհով չանցնի, որովհետև, ընդհակառակը, այդ տրամաբանությունը միշտ առաջ են քաշել նրանք, ովքեր ցանկացել են, որ Հայաստանով տրանզիտ չլինի, Հայաստանի տրանսպորտային ուղիները փակ լինեն և այդպես շարունակ»,- նշեց Փաշինյանը:
Վարչապետը քննադատեց Աննա Մկրտչյանին՝ պնդելով, թե երիտասարդ պատգամավորին տալիս են հարցեր ու տեքստեր, որոնք նա հնչեցնում է ԱԺ-ում։
Մկրտչյանը հակադարձեց նշելով, թե վարչապետն է, որ ԱԺ դահլիճում նստած ՔՊ-ականներին sms-ներ է գրում, ինչը իրենք չեն անում։
«Ձեզ SMS կտան, կկարդաք, սկի չեք էլ հասկանա՝ ինչ եք կարդում»,- ընդգծեց Նիկոլ Փաշինյանը:
Մանրամասները՝ տեսանյութում:
