03.06.2026 | 22:44
ԵՄ-ն ու Ադրբեջանը վերսկսում են երկկողմ համաձայնագրի շուրջ բանակցությունները
ԵՊՀ ռեկտորի պաշտոնին այս պահին հավակնում է 2 թեկնածու
Հասարակություն
08.12.2021 | 16:32
Դեկտեմբերի 17-ին Երևանի պետական համալսարանում տեղի են ունենալու ռեկտորի ընտրություններ։ Առաջադրված թեկնածուներից մեկը ԵՊՀ ռեկտորի ժամանակավոր պաշտոնակատար Հովհաննես Հովհաննիսյան է։ ԵՊՀ խոսնակ Ազնիվ Գրիգորյանը Factor.am-ին հայտնեց, որ ռեկտորի ընտրության համար առաջադրված երկրորդ թեկնածուն ԵՊՀ աստվածաբանության ֆակուլտետի խորհրդի անդամ Արծրունի Սահակյանն է, սակայն խոսնակի փոխանցմամբ՝ Սահակյանը համապատասխան փաստաթղթերը ներկայացրել է կարգի խախտմամբ, մասնավորապես, դիմելու վերջնաժամկետը դեկտեմբերի 1-ն էր, սակայն Սահակյանը փաստաթղթերը ներկայացրել է ավելի ուշ։
«Հոգաբարձուների խորհուրդն է որոշում կայացնելու՝ ընդունել Սահակյանի թեկնածությունը, թե ոչ»,- ասաց Գրիգորյանը։ Խոսնակը հավելեց, որ հնարավոր է՝ այդ որոշումը կայացվի հենց ռեկտորի ընտրության օրը՝ դեկտեմբերի 17-ին։
Հիշեցնենք, որ ԵՊՀ-ն ավելի քան երկու տարի է՝ ռեկտոր չունի։ Ռեկտորի պարտականությունները կատարում էր ժամանակավոր պաշտոնակատար Գեղամ Գևորգյանը, որն այս տարվա ապրիլին հրաժարական էր տվել։ Օգոստոսի 5-ին մասնագիտությամբ աստվածաբան, ԿԳՄՍ նախկին փոխնախարար Հովհաննես Հովհաննիսյանը նշանակվեց ԵՊՀ ռեկտորի ժամանակավոր պաշտոնակատար։
Արփի Հակոբյան
