22.08.2026 | 21:13
Դիլիջան-Վանաձոր ճանապարհին ավտոմեքենան դուրս է եկել երթևեկելի հատվածից և բախվել հողաթմբին
Խուլիգանական պահվածք ցուցաբերած անձինք ԱԺ միջանցքներում չպիտի լինեին․ Աղաջանյանը դժգոհություն հայտնեց. ՏԵՍԱՆՅՈՒԹ
Քաղաքականություն
08.12.2021 | 16:14
Ազգային ժողովի «Քաղաքացիական պայմանագիր» խմբակցության պատգամավոր Էդուարդ Աղաջանյանն անդրադարձավ երեկ Ազգային ժողովում տեղ ունեցած ծեծկռտուքին:
«Տվյալ միջադեպի գլխավոր հերոսը հանդիսանում է մի մարդ, ով անցնում է նոյեմբերի 9-ի լույս 10-ի գիշերվա զանգվածային անկարգությունների գործով որպես մեղադրյալ, այդ թվում, ԱԺ նախկին նախագահ Արարատ Միրզոյանի մահափորձի գործով ու «Ազատություն» ռադիոկայան ներխուժման փորձով՝ որպես մեղադրյալ»,- հայտարարեց Աղաջանյանը:
«Ես, անկեղծ ասած, չեմ մեղադրում ԱԺ «Հայաստան» խմբակցության պատգամավորներին նման մարդկանց իրենց օգնական նշանակելու հարցում, ես ավելի շատ ուզում եմ իմ դժոգոհությունն արտահայտել մեր իրավապահ մարմինների նկատմամբ, որովհետև ենթադրվում է, որ նմանատիպ խուլիգանական պահվածք ցուցաբերած անձինք Ազգային ժողովի միջանցքներում պտտվելու փոխարեն պետք է քրեակատարողական հիմնարկներում այս պահին իրենց պատիժը կրեին», – ասաց Աղաջանյանը և իրավապահ մարմիններին հորդորեց ավելի հետևողական լինել նմանատիպ երևույթների նկատմամբ:
Մանրամասները՝ տեսանյութում:
