14.09.2026 | 10:58
Բեռլինում նշվել է Հայաստանի անկախության 35-ամյակը․ ընդգծվել է ՀՀ–Գերմանիա ռազմավարական գործընկերության խորացումը
Էրդողանը կրկին ՌԴ-ի և Ուկրաինայի միջև միջնորդություն է առաջարկել
Քաղաքականություն
08.12.2021 | 16:22
Թուրքիայի նախագահ Ռեջեփ Թայիփ Էրդողանը կրկին ՌԴ-ի և Ուկրաինայի միջև միջնորդություն է առաջարկել՝ կողմերի ցանկությամբ, ցանկացած ձևաչափով։ Այս մասին գրում է ՌԻԱ Նովոստին։
Ավելի վաղ Էրդողանը հայտարարել էր, որ Թուրքիան պատրաստ է հանդես գալ որպես միջնորդ Ռուսաստանի ու Ուկրաինայի միջև, ինչին Կիևը դրական էր արձագանքել։ Իր հերթին, ՌԴ նախագահի մամուլի խոսնակ Դմիտրի Պեսկովը հայտարարել էր, որ Ռուսաստանն այս հակամարտության կողմ չի հանդիսանում։
«Մենք ուշադրությամբ հետևում ենք Ուկրաինայում և նրա շուրջ տեղի ունեցող իրադարձություններին։ Մենք ցանկանում ենք, որ լարվածությունը չաճի և տարածաշրջանում պահպանվի կայունությունը։ Թուրքիան պատրաստ է աջակցություն ցուցաբերել՝ նվազեցնելու Ուկրաինայի և Ռուսաստանի միջև լարվածությունը, որը վերջին շաբաթներին սրվել ու երկխոսության ալիք է ստեղծել։ Երկու կողմերի համաձայնությամբ՝ մենք կարող ենք առաջարկել օգնություն, միջնորդություն կամ աջակցություն ցանկացած ձևաչափով։ Իհարկե, մենք առանց տատանվելու պատրաստ ենք անել ամենը՝ մեր ուժերի սահմաններում այս տարածաշրջանում խաղաղության համար»,- Կատարից վերադառնալիս ինքնաթիռում թուրք լրագրողների հետ զրույցում ասել է Էրդողանը։
Էմմա Չոբանյան
