19.11.2024 | 22:26
ՌԴ-ում նախկին պատգամավորին «ֆեյքերի» գործով հեռակա կարգով դատապարտել են 8 տարվա ազատազրկման
40 % մեքենա կրճատած իշխանությանը մեղադրում եք 1 մեքենա գնելու մեջ. զավեշտալի է․ Բագրատյան. ՏԵՍԱՆՅՈՒԹ
Քաղաքականություն
08.12.2021 | 13:38
«Ընդդիմությունը փոշիացման և թալանի մեջ մեղադրում է մի կառավարության, որը միայն այս տարի 400 մլրդ դրամ վերադարձնում է գործարարներին ԱԱՀ-ի տեսքով»,- ԱԺ հերթական նիստում 2022 թվականի բյուջեի մասին նախագծի քննարկման ժամանակ հայտարարեց «Քաղաքացիական պայմանագիր» խմբակցության պատգամավոր Սերգեյ Բագրատյանը:
Նա ընդգծեց, որ գործարարներին ստիպում են ոչ թե հիմա, այլ 2000 թվականին, երբ Ազգային անվտանգությունը ստեղծել էր 4-րդ վարչություն, որը զբաղվում էր միայն գործարարներին նսեմացնելով, նվաստացնելով, ստրկացնելով և երկրից արտաքսելով. «Եվ հիմա հարյուրավոր գործարարներ, որոնք ՀՀ տնտեսության ողնաշարն էին, օտար երկրներում հարստացնում են օտար պետություններին: Եվ սրա պատճառը 2000 թվականի ապիկար, թալանչի իշխանությունների աշխատանքի արդյունքն է»:
«Մի կառավարություն, որ իր քաղաքացիներին միայն 22.5 մլրդ եկամտահարկ է վերադարձրել, որպեսզի քաղաքացին կարողանա բնակարան ձեռք բերել, այդ կառավարությանը մեղադրել, թե իբր «պադավատապետություն» են հիմնել, ծիծաղելի է. 40 տոկոս մեքենաներ կրճատած կառավարությանը մեղադրում են մեկ մեքենայի գնման համար: Սա զավեշտալի է»,- ընդգծեց պատգամավորը:
Մանրամասները՝ տեսանյութում:
