22.08.2026 | 21:13
Դիլիջան-Վանաձոր ճանապարհին ավտոմեքենան դուրս է եկել երթևեկելի հատվածից և բախվել հողաթմբին
Գերիների հարազատները պատասխան են պահանջում Ալեն Սիմոնյանից. Էլինար Վարդանյան
Քաղաքականություն
08.12.2021 | 13:45
Տարածված լուրերը, թե գերիների հարազատները հանդիպել են ԱԺ նախագահ Ալեն Սիմոնյանի հետ, իրականությանը չեն համապատասխանում։ Այսօր լրագրողների հետ ճեպազրույցում այս մասին հայտնեց «Հայաստան» խմբակցության պատգամավոր Էլինար Վարդանյանը։
Պատգամավորի խոսքով՝ գերիների, անհետ կորածների հարազատների պահանջը շարունակում է մնալ մեկը` պատասխանել իրենց հարցերին` մինչև ե՞րբ է շարունակվելու այս վիճակը, ե՞րբ են իրենց զավակները, եղբայրները, ամուսինները վերադառնալու Հայաստան, ի՞նչ է անում իշխանությունն այդ ուղղությամբ։
Վարդանյանը հավելեց, որ ընդդիմադիր պատգամավորները ևս դեռ շարունակում են սպասել, որ իշխող խմբակցությունը կարձագանքի ԱԺ նախագահի մասնակցությամբ տեսանյութին` արդյոք նրանք կիսո՞ւմ են ԱԺ նախագահի տեսակետը, դա իշխող քաղաքական ուժի ընդհանուր գի՞ծն է, թե՞ ոչ։
Վարդանյանը հիշեցրեց, որ 2020թ. ստորագրված եռակողմ հայտարարության մեջ արձանագրված է գերիների փոխանակման «բոլորը բոլորի հանդեպ» սկզբունքը, որին ՀՀ իշխանություններն այդպես էլ հետամուտ չեղան։
Հիշեցնենք` դեկտեմբերի 7-ին համացանցում հայտնվեց Ալեն Սիմոնյանի մասնակցությամբ տեսանյութ, որում ԱԺ նախագահը հայտարարում է, որ գերիներն իր համար չկան, և որգերիների ծնողներն էլ գիտեն, որ իրենց որդիները դասալքություն են արել:
Մանրամասները՝ տեսանյութում:
