31.03.2026 | 14:20
Իտալացի զինվորականին «բռնել» են Բոսնիա և Հերցեգովինայի հավաքականի մարզմանը նկարահանման ժամանակ
Սաակաշվիլին հայտարարել է, որ ի նշան բողոքի՝ դադարեցնում է բուժումը
Քաղաքականություն
08.12.2021 | 16:15
Վրաստանի նախկին նախագահ Միխեիլ Սաակաշվիլին հայտարարել է, որ դադարեցնում է բուժումը Գորիի զինվորական հոսպիտալում։ Այս որոշումը նա պատճառաբանել է «կարգապահական միջոցների» դեմ բողոքով, որոնք, ըստ Սաակաշվիլիի, իր նկատմամբ կիրառվել են հիվանդանոցում։ Այս մասին Սահակաշվիլին գրել է ֆեյսբուքյան իր էջում։
Սաակաշվիլին ասել է, որ բանտի աշխատակիցները եկել են իր հիվանդասենյակ, որտեղ նա ճանաչել է «իր խոշտանգումների մասնակիցներին»։
Բացի այդ, որպես կարգապահական միջոց՝ որոշել են Սաակաշվիլիի հանդիպումների սահմանափակումներ մտցնել և զրկել նրան հեռուստատեսությունից։ Քաղաքական գործիչը դժգոհել է, որ տեսակցության իրավունք ունեցող մորն ու անձնական բժշկին թույլ չեն տվել մտնել իր սենյակ։
Վրաստանի հատուկ քրեակատարողական ծառայությունը, սակայն, հերքել է Սաակաշվիլիի հայտարարությունները նրա նկատմամբ կարգապահական միջոցներ կիրառելու մասին, հաղորդում է «Ինտերֆաքսը»։ Միաժամանակ, ծառայությունից հաստատել են, որ նախկին նախագահի նկատմամբ կարգապահական վարույթ է հարուցվել այն բանից հետո, երբ նա վնասել է իր հիվանդասենյակում տեղադրված բժշկական սարքավորումը։
Տաթև Ֆռանգյան
