18.05.2026 | 21:43
6 տարվա ընդմիջումից հետո կվերսկսվի Բաքվի և Թբիլիսիի միջև մայիսի 26-ից ամենօրյա ուղևորատար գնացքների երթևեկությունը
Հանգիստ չե՛մ կարող պահել ինձ, երեք տարի դատավարություն են խաղում, դարի դատը դարձավ. Պավլիկ Մանուկյան․ ՏԵՍԱՆՅՈՒԹ
Հասարակություն
07.12.2021 | 13:07
Այսօր ՀՀ վերաքննիչ դատարանում, «Սասնա ծռերի» գործով բողոքի քննության ժամանակ տեղի տվեցին Պավլիկ Մանուկյանի նյարդերը: Անդրադառնալով «Սասնա ծռերի» գործով դատարանի վճռին, դրա հիմնավորումներին, խմբի անդամ Պավլիկ Մանուկյանն անդրադարձավ գնդի գրավման արդյունքում վիրավորում ստացած, ապա մահացած ոստիկան Գագիկ Մկրտչյանի մահվան հանգամանքներին, իրականացված փորձաքննությանը:
Նա իբրև ականատես-վկա պնդեց, որ կրակոցը եղել է նախազգուշական, որից հետո վիրավորում ստացած Գագիկ Մկրտչյանի հետ կես ժամ նստել-զրուցել են, ապա նա իր ոտքով նստել է շտապ բուժօգնության մեքենան և գնացել: Մինչդեռ մեղադրական եզրակացության մեջ նշված է, որ Գագիկ Մկրտչյանն արնաքամ է եղել, ինչը տվյալ պարագայում, Պավլիկ Մանուկյանը բացառում է:
Նա նաև նկատեց, որ մեղադրական եզրակացության մեջ նշված է, որ Գագիկ Մկրտչյանը վիրավորում ստանալուց 21 օր անց, ուշքի չգալով մահացել է, «բայց հետո, պարզվում է, որ հիվանդանոցում և՛ կինը, և՛ քույրը տեսակցել են Գագիկ Մկրտչյանին, ինչի մասին քննչական մարմինն ու դատախազությունը ուշադիր լռում են»:
Պավլիկ Մանուկյանը խնդրեց, որ դատարանը կրկնակի քննություն անցկացնի և իբրև մեղադրյալ ներգրավվի դատախազությանը և գործով դատախազներին: Մեղադրական եզրակացությունն էլ իբրև «գոմաղբ՝ տա նրանց թևի տակ»:
Մանրամասները՝ տեսանյութում:
