16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Ժողովուրդը հոգնել է, որ մենք այստեղ իրար ենք բզկտում. Ալեն Սիմոնյան․ ՏԵՍԱՆՅՈՒԹ
Քաղաքականություն
07.12.2021 | 12:46
Հայաստանի ժողովուրդը հոգնել է կենցաղային և ոչ քաղաքական ելույթներից, հոգնել են այն բանից, որ մենք իրար տարբեր ձևերով բզկտում ենք, նրանք օրենսդրական նախաձեռնություններ են ուզում տեսնել: Խորհրդարանում ելույթի ժամանակ այս մասին հայտարարեց ԱԺ նախագահ Ալեն Սիմոնյանը:
Անդրադառնալով «Հայաստան» խմբակցության պատագամավոր Արեգնազ Մանուկյանի ելույթին, որը պահանջել էր Ալեն Սիմոնյանից հանրությանը բացատրել՝ թե ի՞նչ իրավունքով է երկրում ստեղծված այս իրավիճակում բյուջեի հաշվին մոտ 200 հազար դոլարանոց BMW ձեռք բերել, Սիմոնյանն ասաց, որ ընդդիմադիր պատգամավորը ստիպված կլինի իր ասածներն ապացուցել դատարանում, հակառակ պարագայում՝ գումար կվճարի և ԱԺ ամբիոնից կհերքի իր ասածները:
«Ես կոչ եմ են անում մնալ կառուցողական դաշտում, հակառակ պարագայում՝ հերթով, անուն առ անուն, նախադասություն առ նախադասություն կասեմ այն ամենը, ինչը թերևս բոլորը գիտեն մեր գլխավոր հերոսների, ընդդիմադիր գործիչների, նախկին նախագահների և նրանց շրջապատի մասին: Մի ստիպեք մտնել այդ դաշտ, այդ դաշտում դուք մոտակա 50 տարին պարտված եք լինելու»,- նշեց Սիմոնյանը:
Մանրամասները՝ տեսանյութւոմ:
