16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Դա որևէ մեծ արտոնություն չի տալու. Թորոսյանը՝ զինվորականների բուժօգնությանն առնչվող օրինագծի մասին․ ՏԵՍԱՆՅՈւԹ
Քաղաքականություն
07.12.2021 | 11:02
Իշխանական պատգամավորները դեմ քվեարկեցին «Պատիվ ունեմ» խմբակցության պատգամավոր Թագուհի Թովմասյանի ներկայացրած օրենսդրական նախաձեռնությանը, որն ԱԺ օրակարգ չընդգրկվեց։ Նախագծով առաջարկվում էր զինծառայողների առողջական վիճակի հետազոտությունը, փորձաքննությունը և բուժումը կատարել առաջնահերթ և անվճար։
«Քաղաքացիական պայմանագիր» խմբակցության պատգամավոր, առողջապահության նախկին նախարար Արսեն Թորոսյանն ներկայացված նախագիծը պոպուլիստական համարեց:
«Եկեք միասին գնանք հիվանդանոցներ և ձեր աչքով տեսեք, թե զինծառայողներն ինչքան ժամանակ են հերթ կանգնում։ Դուք ինչպես միշտ խոսում եք իրականությունից կտրված բաների մասին, որոնք փաստական հիմնավորում չունեն,- դիմելով Արսեն Թորոսյանին՝ նշեց Թագուհի Թովմասյանը:- Զինծառայողը բոլոր օրենքներով մինչև ծառայության անցնելն ունի արտահերթ բուժման արտոնություն, իսկ դրանից հետո զինծառայողը չունի արտահերթ բուժման արտոնություն։ Նա և նրա ընտանիքն ունեն պետպատվերի շրջանակում բուժման հնարավորություն, բայց ոչ արտոնություն: Մի՛ ստեք»:
ՔՊ խմբակցության պատգամավոր Արսեն Թորոսյանը նշեց, որ պատգամավորի նախաձեռնած օրենքը որևէ ավելի մեծ արտոնություն չի սահմանելու։
«Տիկին Թովմասյան, եթե դուք երբեմն քարոզչական նպատակներով հոսպիտալներ եք այցելում, ես հիմնականում այնտեղից դուրս չեմ գալիս։ Ինձ ստելու մեջ մեղադրելուց առաջ ավելի լավ է մեկ-մեկ հայելու մեջ նայեք»,- ասաց Թովմասյանը։
