29.06.2026 | 09:39
Այրված մեքենայում հայտնաբերվել է երեք քաղաքացու դի․ ՃՏՊ Սուրենավանի մոտակայքում
Մի՛ ստեք․ եկեք գնանք հիվանդանոցներ, տեսնենք՝ զինծառայողները ինչքան են հերթ կանգնում․ Թագուհի Թովմասյան․ ՏԵՍԱՆՅՈՒԹ
Քաղաքականություն
07.12.2021 | 10:47
Իշխանական պատգամավորները դեմ քվեարկեցին «Պատիվ ունեմ» խմբակցության պատգամավոր Թագուհի Թովմասյանի ներկայացրած օրենսդրական նախաձեռնությանը, որն ԱԺ օրակարգ չընդգրկվեց։ Նախագծով առաջարկվում էր զինծառայողների առողջական վիճակի հետազոտությունը, փորձաքննությունը և բուժումը կատարել առաջնահերթ և անվճար։
«Քաղաքացիական պայմանագիր» խմբակցության պատգամավոր, առողջապահության նախկին նախարար Արսեն Թորոսյանն ներկայացված նախագիծը պոպուլիստական համարեց:
«Եկեք միասին գնանք հիվանդանոցներ և ձեր աչքով տեսեք, թե զինծառայողներն ինչքան ժամանակ են հերթ կանգնում։ Դուք ինչպես միշտ խոսում եք իրականությունից կտրված բաների մասին, որոնք փաստական հիմնավորում չունեն,- դիմելով Արսեն Թորոսյանին՝ նշեց ԹագուհիԹովմասյանը:- Զինծառայողը բոլոր օրենքներով մինչև ծառայության անցնելն ունի արտահերթ բուժման արտոնություն, իսկ դրանից հետո զինծառայողը չունի արտահերթ բուժման արտոնություն։ Նա և նրա ընտանիքն ունեն պետպատվերի շրջանակում բուժման հնարավորություն, բայց ոչ արտոնություն: Մի՛ ստեք»:
Մանրամասները՝ տեանյութում:
