Խոսելով սպառազինության նոր պատկերացումների մասին՝ կվտանգենք մեր զարգացումները. Անդրանիկ Քոչարյան․ ՏԵՍԱՆՅՈւԹ

2020թ. նոյեմբերի 18-ին վարչապետ Նիկոլ Փաշինյանը հայտարարեց բանակի բարեփոխման մեկնարկի մասին, ձևավորվեց հանձնաժողով: Մեկ տարի ժամանակ է անցել, քաղհասարակությունն արձանագրում է, որ այդ բարեփոխումների ուղղությամբ կատարված որևէ աշխատանքի մասին հանրությանը չի տեղեկացվել: Factor.am-ի հետ զրույցում անդրադառնալով այս հարցին՝ ԱԺ պաշտպանության և անվտանգային հարցերի մշտական հանձնաժողովի նախագահ Անդրանիկ Քոչարյանը նշեց. «Ընդունում եմ, որ քաղհասարակությանը շատ բաներ հասանելի չեն, հասկանում եմ նաև իրենց դժգոհությունը: Մինչ պատերազմը մենք քաղհասարակության հետ համատեղ ստեղծել ենք հարթակ՝ ԵԱՀԿ գրասենյակի և Անվտանգության խորհրդի գրասենյակի հետ: Դեկտեմբերի 17-ին այդ հարթակում նախատեսվում է հավաք, որտեղ քննարկվելու են նաև անվտանգության վերաբերյալ, գալիք անելիքների, նաև քաղհասարակության մասնակցության վերաբերյալ հարցեր»:

Հարցին, թե Զինված ուժերում բարեփոխումներին ուղղված ինչ քայլեր են իրականացվել, Քոչարյանը պատասխանեց, որ կարող է թվարկել մի շարք բարեփոխումներ. «Բայց պետք է հաշվի առնել, որ Զինված ուժերը նոր-նոր են դուրս գալիս ծրագրերի իրագործման փուլ, և այս ընթացքում նախարար է փոխվել, կառուցվածքային փոփոխություններ են կատարվել, նաև առաջնագծի կահավորման ուղղությամբ են աշխատանքներ իրականացվում, այսինքն՝ զուգահեռ մի քանի պրոցեսներ են ընթանում: Այդ պրոցեսների մասին հանրության լայն շրջանակներին գուցե նպատակահարմար չէ ներկայացնել… Խոսելով սպառազինության նոր պատկերացումների մասին՝ կվտանգենք մեր զարգացումները»:

Մանրամասները՝ տեսանյութում: