29.06.2026 | 09:39
Այրված մեքենայում հայտնաբերվել է երեք քաղաքացու այրված դի․ ՃՏՊ Սուրենավանի մոտակայքում
Կառավարությունը փոփոխություններ և լրացումներ է առաջարկում Հարկային օրենսգրքում
Քաղաքականություն
01.12.2021 | 17:35
Դեկտեմբերի 1-ին ԱԺ տնտեսական հարցերի մշտական հանձնաժողովի հերթական նիստում ՀՀ ՊԵԿ նախագահ Ռուստամ Բադասյանն առաջին ընթերցմամբ քննարկման է ներկայացրել «ՀՀ հարկային օրենսգրքում փոփոխություններ եւ լրացումներ կատարելու մասին» օրինագիծը: Նշվել է, որ 2020թ. հունվարի 1-ից ուժի մեջ են մտել օրենսգրքով սահմանված տրանսֆերային գնագոյացման կարգավորումները, սակայն բացակայում են անհրաժեշտ հարկային վարչարարություն իրականացնելու համար համապատասխան օրենսդրական հիմքերը․ տեղեկացնում են ՀՀ ԱԺ-ից։
Նախագծի նպատակն է արդեն սահմանված կարգավորումները համապատասխանեցնել միջազգային մոտեցումներին, ինչպես նաեւ սահմանել հարկային հսկողություն իրականացնելու ընթացակարգերը:
ՊԵԿ նախագահը նաեւ տեղեկացրել է, որ առաջին ընթերցումից հետո օրինագծում նախատեսվում են նոր փոփոխություններ:
Մշտական հանձնաժողովի նախագահ Վահե Հակոբյանն ու հանձնաժողովի փոխնախագահ Բաբկեն Թունյանն առաջարկել են հետաձգել հարցի քննարկումը, ինչին համաձայնել է հիմնական զեկուցողը:
Օրենսդրական նախաձեռնության քննարկումը հետաձգվել է մինչեւ 2ամիս ժամկետով:
