27.10.2026 | 22:44
Այսօր դադարեցին ԱԺ֊ում իմ լիազորությունները. Լիլիթ Ստեփանյան
Վաղը, հնարավոր է, հայտնեմ ձեզ, եկեք սպասենք․ ՀԱՊԿ մամուլի խոսնակը՝ սահմանային իրավիճակի վերաբերյալ կառույցի դիրքորոշման մասին
Քաղաքականություն
16.11.2021 | 19:17
Factor.am-ը դիմել էր ՀԱՊԿ-ի մամուլի խոսնակ Վլադիմիր Զայնետդինովին՝ պարզելու, թե ինչ դիրքորոշում ունի կառույցը հայ-ադրբեջանական սահանին տեղի ունեցողի վերաբերյալ, ինչպես են արձագանքում պաշտոնական Երևանի կոչին՝ հստակորեն և հասցեական արձագանքել ադրբեջանական գործողություններին։
«Վաղը, հնարավոր է, հայտնեմ ձեզ։ Եկեք սպասենք»,- պատասխանել է նա։
Նշենք, որ ավելի վաղ Անվտանգության խորհրդի քարտուղար Արմեն Գրիգորյանը, «Առաջին ալիքի» եթերում խոսելով հայ-ադրբեջանական սահմանին լարված իրավիճակի մասին, նշել էր, որ Հայաստանն առաջնահերթ կարծում է, որ Ռուսաստանի Դաշնության և ՀԱՊԿ-ի կառույցների միջոցով հնարավոր է ճգնաժամը լուծել։
«Բայց եթե մենք չկարողանանք, ինչպես բազմիցս արդեն նշել ենք, ստեղծված ճգնաժամը լուծել գոյություն ունեցող կառուցակարգերով, ապա Հայաստանը ստիպված է լինելու այլ կառուցակարգերի, այսինքն՝ միջազգային գործընկերներին դիմելու»,- ասել էր նա։
Հռիփսիմե Հովհաննիսյան
