15.09.2026 | 22:42
Պուտինի մերձավոր ռուս օլիգարխ Կրեմլյովը վճարել է Թրամփի որդու հարսանիքի ծախսերի մի մասը. ProPublica-ի հետաքննությունը
ՀԱՊԿ-ի պահվածքը պայմանավորվածություն է հիշեցնում․ Աղազարյան․ ՏԵՍԱՆՅՈՒԹ
Քաղաքականություն
16.11.2021 | 16:28
«Այն, ինչ տեղի է ունենում այսօր Ադրբեջանի կողմից ՀԱՊԿ-ի լռելյայն պահվածքի ներքո, որը, կներեք համարձակությանս համար, որոշ դեպքերում հիշեցնում է նաև ինչ-որ տեղ պայմանավորվածություն, անթույլատրելի է»,- այս մասին ԱԺ ամբիոնաից հայտարարեց «Քաղաքացիական պայմանագիր» խմբակցության պատգամավոր Հովիկ Աղազարյանը՝ ընդգծելով, որ Հավաքական անվտանգության պայմանագրի կազմակերպությունը հստակ դիրքորոշում պետք է հայտնի Հայաստանի սուվերեն տարածքների նկատմամբ Ադրբեջանի ոտնձգությունների փաստի առթիվ:
Նրա խոսքով` ԱԺ նիստը շարունակվում է, որովհետև բանակն այժմ իր գործն է կատարում, խորհրդարանն` իր:
«ՀԱՊԿ մեր գործընկերները պետք է հասկանան, որ մենք միշտ ունեցել ենք ու այսօր էլ ունենք այլընտրանքի հնարավորություն, ու եթե մեր գործընկերները չկատարեն իրենց պարտավորություններն ու պարտականությունները (ոչ թե մենք խնդրենք իրենց, այլ իրենք պարտավոր են կատարել իրենց պարտականությունները), ապա ես, որպես ԱԺ պատգամավոր, ում շատ-շատերը համարում են ռուսամետ քաղաքական գործիչ, հնարավորության դեպքում կբարձրացնեմ ՀԱՊԿ-ի շրջանակներում մեր հետագա գործունեության նպատակահարմարության հարցը»,- նշեց Աղազարյանը:
Մանրամասները՝ տեսանյութում:
