Քաղաքականություն
16.11.2021 | 16:19
Լեհ ոստիկան է ծանր վիրավորվել Բելառուսի կողմից երկրի սահմանը հատելու միգրանտների փորձը հետ մղելիս։ Այս մասին երեքշաբթի Twitter-ում հայտնել է լեհական ոստիկանությունը, գրում է ՏԱՍՍ-ը։
«Ոստիկաններից մեկը ծանր վիրավորվել է, նրան այժմ օգնություն են ցուցաբերում, շտապօգնությունը ոստիկանին տեղափոխում է հիվանդանոց, հավանաբար գանգի ոսկորների կոտրվածք է ստացել ինչ-որ առարկայի հարվածից»,- հայտնել են ոստիկանությունից։
Հիշեցնենք, որ Բելառուսի և ԵՄ-ի սահմանին միգրացիոն ճգնաժամը սրվել էր նոյեմբերի 8-ին, երբ միգրանտների մի մեծ խումբ Բելառուսից մոտեցել է Լեհաստանի սահմանին։ Մեկ շաբաթ շարունակ փախստականները փորձել են ներխուժել Լեհաստան։ Նոյեմբերի 15-ին միգրանտները եկել են Բրուզգի անցակետ, որտեղ սպասում են դեպի ԵՄ անցաթղթի։ Լեհաստանն ու ԵՄ երկրները հրաժարվում են Բելառուսի տարածքից փախստականների ընդունել՝ Ալեքսանդր Լուկաշենկոյին մեղադրելով միգրանտներին դիտավորյալ կերպով դեպի ԵՄ սահման ուղղորդելու մեջ։
Տաթև Ֆռանգյան
