22.08.2026 | 21:13
Դիլիջան-Վանաձոր ճանապարհին ավտոմեքենան դուրս է եկել երթևեկելի հատվածից և բախվել հողաթմբին
Թուրքիայում իսրայելցի լրագրողի են ձերբակալել, որը լուսաբանել է Ստամբուլում Էրդողանի տունը նկարահանած իսրայելցի զույգի ձերբակալումը
Քաղաքականություն
15.11.2021 | 20:49
Թուրքիայում իսրայելցի լրագրողի է ձերբակալել, որը Ստամբուլից հաղորդել է լրտեսության մեջ մեղադրվող կալանավորված զույգի գործի մասին։ Այս մասին գրում է «Ահվալ» գործակալությունը՝ վկայակոչելով Times of Israel-ը։
«Channel 13»-ի թղթակից Ալի Մոգրաբին Ստամբուլից հեռարձակում է իրականացրել, երբ թուրքական ոստիկանությունը կանգնեցրել է նրան։ Մոգրաբիին խնդրել են ներկայացնել լրագրողի վկայական, այնուհետև խնդրել են դադարեցնել նկարահանումը և ջնջել տեսագրած կադրերը։
«Նրանք ինձ երկու րոպեից ավելին չտվեցին, կանգնած էին տեսախցիկի հետևում»,-ասել է լրագրողը։
Նա ձերբակալվել է, ապա ազատ արձակվել, սակայն նրան խնդրել են չհեռանալ հյուրանոցից։ Նշվում է, որ Մոգրաբին զգում է, որ ոստիկանները դեռևս հսկում են իրեն կալանքից դուրս գալուց հետո։
Ալի Մոգրաբին Ստամբուլ է մեկնել իսրայելցի զբուսաշրջիկ զույգի՝ Նատալի ու Մորդի Օակնինների ձերբակալման կապակցությամբ։ Զույգը ձերբակալվել է Թուրքիայում հանգստի ընթացքում լրտեսության կասկածանքով՝ այն բանից հետո, երբ լուսանկարել է Թուրքիայի նախագահ Ռեջեփ Թայիփ էրդողանի տունն ու նկարներն ուղարկել Իսրայել՝ ընտանիքի անդամներին։
Էմմա Չոբանյան
