08.10.2026 | 11:33
Դատախազությունը պահանջում է ազատել Աբովյան 8/1-ի անշարժ գույքը ընկերության ապօրինի տիրապետումից
Ի՞նչ իրավիճակ է ադրբեջանական կողմի դիրքային առաջխաղացումից հետո. նոր մանրամասներ
Հասարակություն
14.11.2021 | 18:55
Ինչպես արդեն տեղեկացրել ենք, այսօր՝ ժամը 13։00-ի սահմաններում, ադրբեջանական ԶՈւ ստորաբաժանումները փորձել են դիրքային առաջխաղացում ապահովել հայ-ադրբեջանական սահմանի արևելյան ուղղությամբ։
Պաշտպանության նախարարությունը տեղեկացրել էր, որ սկսվել է ինտենսիվ փոխհրաձգություն։ Հայ դիրքապահները կանխել են հակառակորդի փորձերը՝ դիրքավորվելու այդ տարածքում։ Հակառակ սրան՝ ՊՆ-ից հայտնել էին, որ իրադրությունը շարունակում է լարված մնալ։
Factor.am-ի տեղեկություններով՝ այսօր ադրբեջանական սադրանքին հաջորդած լարվածությունը կտրուկ թուլացել է։ Հայկական կողմի կոշտ պատասխանի և դրան հաջորդած ռուսական կողմի միջնորդությամբ ընթացող բանակցությունների արդյունքում իրավիճակը մոտ է հանգուցալուծմանը։ Ամենայն հավանականությամբ՝ կարճ ժամանակում խնդիրը կլուծվի, և կողմերը կվերադառնան ելման դիրքեր։
Նշենք, որ ՊՆ-ի հաղորդմամբ՝ հայկական կողմից տուժածներ չկան։
Արփի Հակոբյան
