14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
100 տարի անց՝ նոր օպերա Գյումրիում․ վաղը կբեմադրվի բարոկկո ոճի գլուխգործոցներից մեկը
Մշակույթ
12.11.2021 | 20:16
Գյումրու Տեքստիլագործների ակումբում նոյեմբերի 13-ին և 15-ն հայ-ֆրանսիական ասոցիացիայի նախաձեռնությամբ կբեմադրվի անգլիացի կոմպոզիտոր Հենրի Պյորսելի «Դիդոնա և Էնեաս» օպերան։
Այն երեք գործողությամբ է, հավերժական սիրո և պարտականությունների մասին է։ Առաջին անգամ բեմադրվել է Լոնդոնում՝ 1689 թվականին՝ Ջոսիա Պրիստի դպրոցում։
Աշխարհի օպերային տարբեր թատրոններում բեմադրված այս ստեղծագործությունը համարվում է անգլիական բարոկկո ոճի երաժշտության գլուխգործոցներից մեկը։
Գյումրիում «Անուշ» օպերայի բեմադրությունից հետո 100 տարի անց դարձյալ օպերա է բեմադրելու Ֆրանսիայում բնակվող գյումրեցի, երգեհոնահարուհի Նարինե Սիմոնյանինն է։ Վերջինս գեղարվեստական ղեկավարն է։
Երաժշտական ղեկավարը Ֆրանսիայի տարբեր օպերային թատրոններում աշխատած իտալացի կլավեսինահար և երեգոհանահար, բարրոկո օպերայի փայլուն գիտակ Ստեֆանո Ինտրիերիին է, որը Միլանից Գյումրի է ժամանել Նարինե Սիմոնյանի հրավերով։ Վերջինս առաջին անգամ է լինում Հայաստանում։
Նա վարպետության դասերի շարք է սկսել օպերայում հանդես եկող Երևանի Կոմիտասի անվան պետական կոնսերվատորիայի Գյումրու մասնաճյուղի կամերային նվագախմբի հետ (դիրիժոր` Ա.Կարճյան):
Նարինե Սիմոնյանը և Ստեֆանո Ինտրիերին լրագրողներին մանրամասներ ներկայացրեցին բեմադրությունից՝ գովաբանելով հայ երաժիշներին և տեղեկացնելով, որ օպերայի բոլոր հագուստները կարում են գյումրեցի դիզայներները, մասնավորապես ընդգրկված են Գեղարվեստի պետական ակադեմիայի Գյումրիի մասնաճյուղի ուսանողները։
«Ստեֆանո Ինտրիերին 30-ից ավել անգամ ղեկավարել է «Դիդոնա և Էնեասը, շատ հետարքրքիր ձևով աշխատեց և՛ երգչախմբի հետ, որը կաթոլիկ եկեղեցու «Մարիամ» ռադիոյի երգչախումբ է, և՛ Գյումրիի ակադեմիայի նվագախմբի հետ։ Ես օգոստոսին եկա Հայաստան և սկսեցի բոլոր հետ աշխատել, մնացի երեք ամիս, հետո եկավ Ստեֆանոն հոկտեմբերի 27-ին,մինչև հիմա այստեղ է, որպեսզի նախապատրաստի և աշխատի արտիստների հետ։
Մեներգիչներ ունենք Փարիզից, Դիդոնայի կատարողը՝ Մարինեն, Փարիզից է , Հովհաննես Անդրիասյանը Երևանի օպերային թատրոնի մեներգիչ է , ունենք Նունե Գրիգորյան, որը նույնպես օպերային ստուդիայի մեներգչուհի է, ունենք տեղացի հրաշալի երգիչներ»,-թվարկեց Նարինե Սիմոնյանը։
Արմիկ Մովսիսյան
