18.07.2026 | 22:57
Երևանի Մուրացանի փողոցում տեղի ունեցած միջադեպի վայրում դի է հայտնաբերվել
ՀՊՄՀ-ն նոյեմբերի 15-ից անցնում է առկա ուսուցման
Հասարակություն
12.11.2021 | 16:53
Խաչատուր Աբովյանի անվան հայկական պետական մանկավարժական համալսարանը նոյեմբերի 15-ից կվերսկսի առկա ուսուցումը․ Factor.am-ին հայտնեց ՀՊՄՀ խոսնակ Դիանա Մարկոսյանը։
Խոսնակը նշեց, որ մեծ կուրսերի դեպքում դասընթացը կկազմակերպվի հեռավար տարբերակով։
Նշենք, որ այսօր ԿԳՄՍ նախարարությունը շրջաբերական գրություն է ուղարկել ՀՀ բարձրագույն և հետբուհական մասնագիտական կրթական ծրագրեր իրականացնող կազմակերպություններին՝ առաջարկելով նոյեմբերի 15-ից անցնել առկա ուսուցման։
Հիշեցնենք՝ ավելի վաղ հայտնել էինք, որ Երևանի պետական համալսարանը նոյեմբերի 15-ից կանցնի առկա ուսուցման, իսկ Հայաստանի պետական տնտեսագիտական համալսարանում հեռավար ոսուցման ժամկետները երկարաձգվել են մինչև նոյեմբերի 30-ը։ ՀՊՏՀ-ում բացառություն են միայն հեռակա բակալավրիատի առաջին, երկրորդ և հեռակա մագիստրատուրայի առաջին կուրսերը, որոնց դասապրոցեսը կկազմակերպվի բուհում՝ նոյեմբերի 15-ից։
Հիշեցնենք, որ հակահամաճարակային իրավիճակից ելնելով՝ բուհերը հոկտեմբերի 26-ից անցել էին հեռավար ուսուցման։
Արփի Հակոբյան
