22.08.2026 | 21:13
Դիլիջան-Վանաձոր ճանապարհին ավտոմեքենան դուրս է եկել երթևեկելի հատվածից և բախվել հողաթմբին
Թուրքիան և ԱՄՆ-ը հաջորդ ամիս կսկսեն F-16 կործանիչների գնման՝ Անկարայի դիմումի շուրջ բանակցությունները
Քաղաքականություն
10.11.2021 | 14:01
Թուրքիայի և ԱՄՆ-ի միջև 40 F-16 կործանիչներ և 80 արդիականացման սարքավորումներ գնելու՝ Անկարայի դիմումի շուրջ քննարկումները կսկսվեն հաջորդ ամիս։ Այս մասին ամերիկացի մի պաշտոնյա է ասել YetkinReport-ին, գրում են թուրքական լրատվամիջոցները։
Ըստ պաշտոնյայի՝ F-16-ի շուրջ քննարկումներն առանձին են F-35-ից՝ իրավական ու տեխնիկական հիմքով, քանի որ Թուրքիայի վերադարձը F-35-ի ծրագիր այլևս բանակցությունների առարկա չէ։
Նշենք, որ մամուլում նախորդ ամիս տեղեկություններ տարածվեցին, որ Թուրքիան դիմել է ԱՄՆ-ին՝ 40 F-16 կործանիչ և արդեն իսկ ձեռք բերած ինքնաթիռների համար 80 արդիականացման սարքավորումներ գնելու համար։ Անկարան ավելի վաղ նաև ավելի քան 100 F-35 կործանիչ էր պատվիրել, սակայն ռուսական S-400 համակարգեր գնելուց հետո ԱՄՆ-ն Թուրքիային հեռացրեց այս ծրագրից։
Լրագրողների հետ զրույցում ամերիկացի պաշտոնյան ասել է, որ F-16-ի շուրջ բանակցությունները տեղի են ունենալու Անկարայում՝ նշելով, որ դա երկար ու բարդ գործընթաց է, մի շարք արտոնագրեր էլ ներկայացվելու են Կոնգրեսին՝ վերանայման համար։
Պաշտոնյան նաև նշել է, որ Թուրքիան սեպտեմբերի 23-ից պաշտոնապես հեռացված է F-35-ի ծրագրից
«Թուրքական ընկերությունները կշարունակեն F-35 կործանիչների համար մասեր արտադրել մի քանի ամիս կամ ավելի երկար, հետո այն կավարտվի։ Այդ մասերի արտադրությունը պայմանագրով արդեն այլ երկրների հետ է նախատեսված»,- ասել է նա։
Էմմա Չոբանյան
