11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Ռոբերտ Քոչարյանը մասնակցում է Սերժ Սարգսյանի մոր հրաժեշտի արարողությանը․ դատական նիստը հետաձգվեց
Հասարակություն
09.11.2021 | 14:12
Երևան քաղաքի ընդհանուր իրավասության դատարանի Շենգավիթի նստավայրում՝ դատավոր Աննա Դանիբեկյանի նախագահությամբ, այսօր հետաձգվեց Ռոբերտ Քոչարյանի և ՀՀ նախկին փոխվարչապետ, «Հայաստան» խմբակցության պատգամավոր Արմեն Գևորգյանի գործով դատական նիստը։
Պաշտպանական կողմը միջնորդություն էր ներկայացրել դատարան՝ խնդրելով հետաձգել դատական նիստը, քանի որ Ռոբերտ Քոչարյանը մասնակցում է Սերժ Սարգսյանի մոր հրաժեշտի արարողությանը, ուստի չի կարող ներկա գտնվել դատական նիստին։
Միջնորդությունը բավարարվեց, քրեական գործի քննությունը կշարունակվի նոյեմբերի 16-ին։
Հիշեցնենք՝ Ռոբերտ Քոչարյանը և Արմեն Գևորգյանը մեղադրվում են առանձնապես խոշոր չափերով կաշառք ստանալու համար, Արմեն Գևորգյանը նաև հանցավոր ճանապարհով ստացված գույքն օրինականացնելու համար։ Քոչարյանը մեղադրվում է 3 միլիոն դոլար, Գևորգյանը՝ 1 միլիոն դոլար կաշառք ստանալու համար:
Ռոզա Վարդանյան
