30.07.2026 | 12:21
Ռուսաստանն Ուկրաինայի վրա արձակել է 74 հրթիռ և 284 ԱԹՍ
Արթուր Ղազինյանը 11-րդ անգամ չընտրվեց Պաշտպանության և անվտանգության հարցերի հանձնաժողովի փոխնախագահ․ ՏԵՍԱՆՅՈՒԹ
Քաղաքականություն
09.11.2021 | 11:31
Արթուր Ղազինյանը 11-րդ անգամ չընտրվեց ԱԺ պաշտպանության և անվտանգության հարցերի մշտական հանձնաժողովի նախագահի տեղակալ:
Ընդդիմադիր պատգամավորներից հանձնաժողովի նիստին ներկա էր միայն «Հայաստան» խմբակցության պատգամավոր Գեղամ Նազարյանը:
«Նորից ուզում էի տեսնել, որ Սեյրան Օհանյանը ներկա լիներ և ներկայացներ 11-րդ անգամ ներկայացրած թեկնածուին, որպեսզի մենք կարողանայինք հարցեր տալ պարոն Օհանյանին:
Ես ուզում եմ մի վտանգավոր թեզ հնչեցնել, որը երեկ լսեցի՝ նոր բարիկադների մասին: Ընտրությունից հետո բարիկադներ չկան, կան քաղաքական օրակարգերի քննարկման հարթակներ, որոնցից մեկն էլ այս հանձնաժողովի նիստն է: Եթե Սեյրան Օհանյանն այստեղ լիներ, կուզենայի հասկանալ՝ ջոկեր կազմելը, բարիկադները կազմելն ինչի՞ համար են։ Այս հարցերի պատասխանները գտնելու համար Սեյրան Օհանյանը պետք է այստեղ լիներ, բայց քանի որ բացակայում է, հարցեր չենք կարող տալ»,- ասաց հանձնաժողովի նախագահ Անդրանիկ Քոչարյանը:
Մանրամասները՝ տեսանյութում:
