22.04.2026 | 17:42
Եթե խնդրահարույց խոսակցություն չէ, ինչու են ասում` WhatsApp-ով զանգի. հարց` Արամ Վարդևանյանին․ ՏԵՍԱՆՅՈՒԹ
Լուկաշենկոն զանգահարել է Ալիևին․ կողմերը վերահաստատել են «երկու երկրների հարաբերությունների ռազմավարական բնույթը»
Քաղաքականություն
08.11.2021 | 19:00
Բելառուսի նախագահ Ալեքսանդր Լուկաշենկոն այսօր զանգահարել է Ադրբեջանի նախագահ Իլհամ Ալիևին, հայտնում են ադրբեջանական լրատվամիջոցները՝ վկայակոչելով նախագահի մամուլի ծառայությանը։
Հաղորդվում է, որ երկու երկրների ղեկավարները վերահաստատել են «երկկողմ համագործակցության ռազմավարական բնույթը», դիտարկել պայմանավորվածությունների կատարման ընթացքը, որոնք ձեռք են բերվել Լուկաշենկոյի՝ ապրիլին Բաքու կատարած այցի ժամանակ, քննարկվել են բելառուսական ընկերությունների մասնակցության հեռանկարները Ադրբեջանում մեծածավալ փոխշահավետ նախագծերի իրականացման գործում։
Լուկաշենկոն ողջունել է այն, որ «մեկ տարի առաջ ավարտվել է Հայաստանի ու Ադրբեջանի միջև երկարամյա դիմակայությունը, հատուկ ուշադրություն է հրավիրել խաղաղության կառուցման գործընթացի մեկնարկին, որը երկու երկրներին էլ օգուտ կբերի»։
Ըստ տարածված հաղորդագրության՝ Լուկաշենկոն ընդգծել է, որ Հարավային Կովկասում տրանսպորտային հաղորդակցությունների և տնտեսական համագործակցության վերականգնումը պետք է լինի տարածաշրջանում կայուն խաղաղության հաստատման հիմք և ապահովի այնտեղ ապրող բոլոր ժողովուրդների բարեկեցությունն ու անվտանգությունը։
Բելառուսի նախագահը նաև նշել է մեկ տարի առաջ Ռուսաստանի միջնորդությամբ ընդունված հայտարարության բացառիկ կարևորությունը, որը դադարեցրել է պատերազմը։
Էմմա Չոբանյան
