10.03.2026 | 12:34
Ամերիկայի գավաթ. Լևոն Արոնյանը դուրս է եկել եզրափակիչ
Ամեն ինչ անում են՝ իրենց իշխանությունը պահպանելու համար․ Գրիգոր Խաչատրյանը՝ դպրոցականների ռազմահայրենասիրական դաստիարակության ռազմավարության մասին (տեսանյութ)
Հաղորդաշարեր
31.03.2018 | 17:00
«Դաստիրակությունը պետք է պարունակի մարդուն ազատություններ տալու սկզբունքը։ Մենք եկող սերնդից ավելի շատ բան ունենք սովորելու, քան նրան տալու։ Եթե այդ ազատությունը չլինի էվոլյուցիոն պրոցես չի կարող ընթանալ։ Իսկ այն, ինչ Կառավարությունն անում է, հիվանդություն է, ամեն ինչ անում են՝ իրենց իշխանությունը պահպանելու համար»,-նման տեսակետ է հայտնում նկարիչ Գրիգոր Խաչատրյանը՝ Factor.am-ի «Երևանի ժամանակով» զրուցաշարի շրջանակում՝ անդրադառնալով ՀՀ կառավարության կողմից մշակված դպրոցականների ռազմահայրենասիրական դաստիարակության ռազմավարությանը։
Նկարչի խոսքով՝ սերը ենթադրում է իշխանություն, մեզ վրա իշխանություն ունի նա, ով մեզ սիրում է․ «Մեր իշխանությունները իրենք սիրո կարիք ունեն, բայց դրա համար պետք է, որ իրենք առաջինը սիրեն հասարակությանը։ Այդ սերը պետք է լինի առարկայական, որ տեսնենք այն, զգանք։ Սերը հնարավոր չէ պարտադրել, դա ոնց որ բռնի ամուսնություն լինի՝ բռնաբարության հասնող»։
Գրիգոր Խաչատրյանն անդրադառնում է իշխանական էլիտայի այն պնդումներին, թե Սերժ Սարգսյանն անփոխարինելի է․ « Նա ժամանակին խոստացել էր, որ չի հավակնի վարչապետի պաշտոնին։ Բայց ինքը կարծրատիպերով չի առաջնորդվում, նախապաշարմունքներ չունի, տեսեք՝ ինչ հայրենասեր է, հանուն հայրենիքի գնում է զոհողության»։
Նկարչի համոզմամբ՝ հայ իշխանություններն ու հասարակությունը շատ տարանջատված են, շփման եզրեր չունեն։ Ըստ նրա՝ այդ իրավիճակը կշտկվի, եթե մեր պաշտոնյաները երթևեկեն հասարակական տրանսպորտով և գան, մտնեն ժողովրդի մեջ։
Մանրամասները՝ տեսանյութում։
Աննա Բաբաջանյան
