18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Միխայիլ Սաակաշվիլիի առողջական վիճակը կտրուկ վատացել է
Քաղաքականություն
05.11.2021 | 18:10
Ռուսթավիի բանտում մեկ ամսից ավելի հացադուլ հայտարարած Վրաստանի նախկին նախագահ Միխայիլ Սաակշավիլիի առողջական վիճակը զգալիորեն վատացել է։ Քաղաքական գործչի մոտ սկսվել է հիշողության կորուստ, նա կորցնում է տրամաբանական կապն ու չի կարողանում նամակ գրել։ Այս մասին պատմել է News Georgia-ի խմբագիր Իյա Բարաթելին, գրում է DW-ի ռուսական ծառայությունը։
Բարաթելին ենթադրում է, որ Վրաստանի իշխանություններին բացարձակապես ձեռնտու չէ Սաակաշվիլիին բանտում պահելը, քանի որ «վերջինս նրանց համար անկայունության լուրջ գործոն կլինի»։ Նա հավելել է, որ նախկին նախագահի բանտում մնալը ընդդիմադիրների համար մեծ խթան կլինի բողոքի ակցիաները շարունակելու համար։
Հիշեցնենք՝ ավելի վաղ Վրաստանի Առողջապահության նախարարությանը կից ստեղծված բժիշկների կոնսիլիումը խորհուրդ էր տվել Սաակաշվիլիին տեղափոխել խառը տիպի բազմաֆունկցիոնալ կլինիկա։ Քաղաքական գործչի փաստաբանները կողմ են հանդես եկել այս դիրքորոշմանը։ Վրաստանի օմբուդսմեն Նինո Լոմջարիան հոկտեմբերի վերջին նշել է, որ բանտային հիվանդանոցը, որտեղ կարող են տեղափոխել Սաակաշվիլիին, չի կարող ապահովել նրա անվտանգությունը և համապատասխան բուժումը։
Տաթև Ֆռանգյան
