30.07.2026 | 00:02
Որպես անհետ կորած որոնվում է 2012թ. ծնված Վահե Ապիկյանը
Բայդենը Էրդողանին Սիրիայի վրա նոր ռազմական հարձակման «կանաչ լույս» չի տվել․ ամերիկացի դիվանագետ
Քաղաքականություն
04.11.2021 | 15:55
ԱՄՆ նախագահ Ջո Բայդենը, հավանաբար, Թուրքիային «կանաչ լույս» չի տվել Սիրիայի հյուսիսում նոր ռազմական հարձակման հաար։ Նման կարծիք է հայտնել Սիրիայում ԱՄՆ նախկին հատուկ բանագնաց Ջեյմս Ջեֆրին, գրում է Bianet-ը։
«Համոզված եմ՝ նախագահ Բայդենը զգուշացրել է Էրդողանին Սիրիայի հյուսիս-արևելքում ցանկացած գործողության հետևանքների մասին»,- ասել է Ջեֆրին al-Hurra TV-ի հետ հարցազրույցում։
Հիշեցնենք, որ Թուրքիայի նախագահ Ռեջեփ Թայիփ էրդողանն ու ԱՄՆ նախագահ Ջո Բայդենը հանդիպել են հոկտեմբերի 31-ին Հռոմում՝ G20-ի գագաթնաժողովի շրջանակում։ Այդ հանդիպումից առաջ Էրդողանը բազմիցս հայտարարել էր Սիրիայում նոր ռազմական գործողություն իրականացնելու մտադրության մասին։ Մամուլում էլ վերջին շրջանում պարբերաբար տեղեկություններ են հայտնվում, որ Թուրքիան մոտակա օրերին նախապատրաստվում է հարձակվել Սիրիայի հյուսիսային շրջանների, այդ թվում՝ Քոբանի քաղաքի վրա։
Ամերիկացի դիվանագետը հարցազրույցում նաև ասել է, որ ԱՄՆ ուժերի ու Սիրիական դեմոկրատական ուժերի միջև կա շարունակական համագործակցություն, որը Թուրքիան համարում է PKK-ի ընդլայնում։
Նշենք, որ Ջեֆրին եղել է ԱՄՆ նախագահի հատուկ ներկայացուցիչը սիրիական պատերազմում՝ 2018-2020 թվականներին։ 2008-2010 թվականներին էլ նա եղել է Թուրքիայում ԱՄՆ դեսպանը։
Էմմա Չոբանյան
