01.04.2026 | 10:57
Փաշինյանը շնորհավորական ուղերձ է հղել Հայաստանի ասորական համայնքին՝ Հաբ-Նիսանի առիթով
Թուրքիան ռուսական S-400 պաշտպանական համակարգերը տեղափոխել է «Ինջիրլիք» ավիաբազա․ լրատվամիջոց
Քաղաքականություն
04.11.2021 | 14:06
Թուրքիան իր S-400 պաշտպանական համակարգերը տեղափոխել է երկրի հարավում գտնվող «Ինջիրլիք» ավիաբազիա։ Այս մասին գրել է թուրքական Daily Sabah-ը՝ վկայակոչելով SKY News Arabia-ն։
«Թուրքիան S-400-ների մարտկոցները տեղակայել է «Ինջիրլիք» բազայում, որն օգտագործվում է ԱՄՆ-ի և ՆԱՏՕ-ի ուժերի կողմից»,- գրել է լրատվամիջոցը՝ վկայակոչելով ԱՄՆ պաշտպանական դեպարտամենտի մի պաշտոնյայի։
Daily Sabah-ի հետ զրույցում, սակայն, թուրք զինվորականները հերքել են այս տեղեկությունը։
Նշենք, որ ռուսական S-400 պաշտպանական համակարգերի ձեռքբերման պատճառով ԱՄՆ-ն Թուրքիայի հեռացրեց F-35 հինգերորդ սերնդի կործանիչների ծրագրից։ Վաշինգտոնը նաև սպառնում է, որ եթե Անկարան ռուսական այլ զենքեր գնի, նոր պատժամիջոցներ կկիրառվեն։ 2020 թվականին ԱՄՆ-ն պատժամիջոցներ է սահմանել Թուրքիայի ռազմարդյունաբերական համալիրի ու մի շարք պաշտոնյաների նկատմամբ։
Էմմա Չոբանյան
