22.08.2026 | 21:13
Դիլիջան-Վանաձոր ճանապարհին ավտոմեքենան դուրս է եկել երթևեկելի հատվածից և բախվել հողաթմբին
Միխայիլ Սաակաշվիլի առողջական վիճակը վատացել է
Քաղաքականություն
04.11.2021 | 13:38
Վրաստանի նախկին նախագահ Միխայիլ Սաակաշվիլիի առողջական վիճակը, որը հոկտեմբերի 1-ին ձերբակալությունից հետո հացադուլ է հայտարարել, վատացել է։ Այս մասին հայտնել է նրա անձնական բժիշկ Նիկոլոզ Կիպշիձեն, գրում է «Ինտերֆաքս-Ուկրաինան»։
«Չորեքշաբթի ստացվել են Միխայիլ Սաակաշվիլիի առողջական վիճակի վերաբերյալ հետազոտության արդյունքները, և դրանք մեկ շաբաթ առաջ տեղի ունեցած կոնսիլիումի համեմատ վատացել են։ Նա բողոքում է սրտի աշխատանքի արագացումից։ Ցանկացած պահի կարող է վտանգավոր իրավիճակ ստեղծվել»,- նշել է Կիպշիձեն։
Նախօրեին Վրաստանի նախագահ Սալոմե Զուրաբիշվիլին հայտարարել է, որ կտրականապես հրաժարվում է օգտագործել իր ունեցած լիազորություններն ու ներում շնորհել նախկին նախագահին։
Ավելի վաղ Սաակաշվիլին բանտից դիմում էր գրել Ուկրաինայի Գերագույն ռադայի պատգամավորներին, որում հայտնել էր, որ նիհարել է գրեթե 20 կիլոգրամով, իսկ Վրաստանի իշխանությունները հրաժարվում են իրեն տեղափոխել բազմապրոֆիլ հիվանդանոց։
Տաթև Ֆռանգյան
