28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
Փաշինյանն ասում էր՝ ՊՆ-ն այլ բան չի կարող ասել, քան նոր տարածքներ նվաճելը, հիմա ասում է՝ նման միտք չկա.ԵզրաԿԱՑՈՒԹՅՈՒՆ
Քաղաքականություն
25.10.2021 | 16:46
44-օրյա պատերազմի մեկնարկից մոտ մեկուկես տարի առաջ պաշտպանության այդ ժամանակվա նախարար Դավիթ Տոնոյանը Նյու Յորքում հայ համայնքի հետ հանդիպմանը ԼՂ հակամարտության մասին խոսելիս հայտարարել էր․ «Ես` որպես պաշտպանության նախարար, ասում եմ՝ «տարածքներ՝ խաղաղության դիմաց» ձևաչափը վերաձևակերպել եմ, մենք հակառակն ենք անելու՝ «նոր պատերազմ՝ նոր տարածքների դիմաց»:
Հայաստանում այս միտքը մեծ ոգևորություն էր առաջացրել, իսկ վարչապետ Փաշինյանը, ի պատասխան լրագրողների հարցի, նշել էր, որ այլ կերպ չէր էլ կարող լինել։ «Եթե Դավիթ Տոնոյանն այլ հայտարարություն աներ, ես նրան կազատեի պաշտպանության նախարարի պաշտոնից»,- ասել էր վարչապետը:
44-օրյա պատերազմում տարածքային կորուստներից հետո հասարակական ու քաղաքական շրջանակներում հարցեր առաջացան այս դրույթի ճշմարտացիության վերաբերյալ. նախ իշխող կուսակցությունում կասկածի տակ դրեցին Դավիթ Տոնոյանի կոմպետենտությունը, որից շատ չանցած նա ազատվեց ՊՆ նախարարի պաշտոնից, իսկ այսօր արդեն կառավարության ղեկավարը նշում է, որ Հայաստանին Զինված ուժերը պետք է ոչ թե տարածքներ նվաճելու, այլ ագրեսիայից պաշտպանվելու համար։
