Լարսի անցակետում արդեն 10 օր է՝ գյումթերքով բարձված բեռնատարների կուտակումներ են

Լուրեր

16.11.2026 | 19:33
Բուլղարիայի ափերի մոտ նավ է խորտակվել, որի անձնակազմում Ադրբեջանի քաղաքացիներ են եղել․ ՏԵՍԱՆՅՈՒԹ
16.11.2026 | 19:20
Հայր ու որդի նույն հայտարարագիրն են ներկայացրել
16.11.2026 | 19:09
Պապոյանը Գերմանիայի դեսպանի հետ քննարկել է տնտեսական համագործակցության զարգացման հեռանկարները
16.11.2026 | 19:00
Անվճար խորհրդատվություն և հետազոտություններ․ զրույց՝ դեկտեմբերի 4-6-ը սպասվող առողջապահական EXPO-ի մասին. ՏԵՍԱՆՅՈՒԹ
16.11.2026 | 18:51
Երևանում կստեղծվի Սոցիալական ծառայությունների կենտրոն․ ի՞նչ ծառայություններ կտրամադրի նոր ՀՈԱԿ-ը
16.11.2026 | 18:41
Իտալիայի Մ-20 հավաքականի ֆուտբոլիստի անկրկնելի գոլը. ՏԵՍԱՆՅՈՒԹ
16.11.2026 | 18:35
Վարդևանյանը ԵԽ պաշտոնյայի հետ հանդիպմանը բարձրացրել է ընդդիմադիրների նկատմամբ քրեական հետապնդումների հարցը
16.11.2026 | 18:28
ԵՄ Խորհուրդը հավանություն է տվել Ուկրաինային ռեկորդային՝ շուրջ 8 միլիարդ եվրոյի աջակցության տրամադրմանը
16.11.2026 | 18:22
ԱԺ-ն նոյեմբերի 17-ին մեկնարկող հերթական նիստերում կքննարկի 13 հարց
16.11.2026 | 18:18
1,9 մլն դրամի կրթական ծրագիր, 420 հազար դրամանոց հուշանվեր․ պաշտոնյաների հայտարարագրած նվերները
16.11.2026 | 18:10
Դատախազությունը՝ Հ1-ի եթերում ծեծկռտուքի մասին // Արգամ Աբրահամյանի գործով նախաքննությունն ավարտվել է․ ԼՈՒՐԵՐ
16.11.2026 | 18:00
ՔՊ-ում պառակտում կա՝ Արմեն Գրիգորյանի հոդվածը բացահայտեց․ Անահիտ Ադամյան․ ՏԵՍԱՆՅՈՒԹ
16.11.2026 | 17:54
BMW-ի գինը 0 դրամ է նշել․ Զարուհի Փոստանջյանի ամուսինը տուգանվել է 200 հազար դրամով
16.11.2026 | 17:45
Երևանում առաջիկա օրերին կարճատև անձրևներ են սպասվում․ օդի ջերմաստիճանը կնվազի 3-5 աստիճանով
16.11.2026 | 17:36
Պապիկյանն ու ԵՄ դեսպանը քննարկել են պաշտպանության ոլորտում համագործակցության զարգացման հեռանկարները
Բոլորը

Այս պահին վրացական կողմում ընդհանուր առմամբ հերթի մեջ է շուրջ 3000 մեքենա․ Factor.am-ին հայտնեց «Սպայկա» ՍՊԸ նախագծերի կառավարման բաժնի պետ Կարեն Բաղդասարյանը՝ հավելելով, որ հերթում սպասում են ոչ միայն Հայաստանի, այլև՝ տարբեր երկրների բեռնատարներ։ Ըստ Բաղդասարյանի՝ վերջիններիս ինչ-որ չափով առավելություն է տրվում։

«Ստեղծված իրավիճակը կապված է նաև այն հանգամանքի հետ, թե որ հատվածից են մեքենաները մտնում հերթի մեջ։ Եթե, օրինակ, բեռնատարները հերթի մեջ են մտնում վերևից, ապա վրացին չի թողնում, որ մեր բեռանատարները ներքևից բարձրանան դեպի վերև»,- նշեց Բաղդասարյանը։

Ըստ նրա՝ ստեղծված իրավիճակը վերահսկողության բացակայության հետևանք է։ Եթե հերթը կարգավորվեր մեքենաների քանակով, ապա նման կուտակումներ չէին առաջանա։

Տարածքային կառավարման և ենթակառուցվածքների նախարարության հասարակայնության հետ կապերի բաժնի պետ Սոնա Հարությունյանը Factor.am-ի հետ զրույցում ասաց, որ նման կուտակումներ առաջացել են այն պատճառով, որ ռուսական կողմը Լարսի անցակետում սկսել է ճանապարհի լայնացման աշխատանքներ։ Ըստ նախնական տեղեկությունների՝ շինարարական աշխատանքներն ավարտվելու են 2022 թվականի դեկտեմբերին։ Հարությունյանից հետաքրքվեցինք՝ այդ դեպքում ի՞նչ են անելու բեռնատարների վարորդներն այն պարագայում, երբ տեղափոխվող գյուղմթերքը փչանում է և դառնում ոչ պիտանի։

«Մեր նախարարությունը հյուպատոսության հետ ակտիվ աշխատանքների մեջ է, որպեսզի առաջնահերթություն տրվի այդ բեռնատարներին»,- ասաց բաժնի պետը՝ հավելելով, որ հոկտեմբերի 18-ից մինչև շինարարության ավարտը  թույլատրվում է Վերին Լարսից բացի բեռնատարները սահմանային հսկողություն անցնեն նաև երկու այլ անցակետերում։

«Առաջին անցակետը տեղակայված է Հյուսիսային Օսեթիայի Հանրապետություն-Ալանիա, Վերին Լարսի շրջանում, երկրորդ անցակետը՝ Հյուսիսային Օսեթիայի Հանրապետություն-Ալանիա, քաղաք Վլադիկավկազ, Լարսի շրջան հասցեում»,- նշեց նա։

«Սպայկա» ընկերության նախագծերի կառավարման բաժնի պետը, սակայն, բացի շինարարական աշխատանքներից, մեկ այլ պատճառ էլ է նշում․ «Ռուսական կողմում խիստ դանդաղել է մեքենաների ձևակերպումը, այսինքն՝ ոչ թե վրացին չի թողնում, որ մեքենաներն առաջ շարժվեն, այլ մաքսատունը սկսել է դանդաղ աշխատել։ Այս լարվածությունը հիմնականում ստեղծել են միջինասիական, ուզբեկական ու ղազախական բեռնատարները, որովհետև փոխել են իրենց երթուղին։ Բավականին լուրջ հարց է, ռուսական կողմը պետք է ավելի մեծ քանակությամբ մեքենա ընդունի, որպեսզի արագանա գործընթացը։ Եթե իրավիճակն այսպես մնա, ապա պետք է մեքենաներն ուղարկենք Սև ծովով»։

ՏԿԵ նախարարությունում վստահ են՝ շինարարական աշխատանքների ավարտից հետո Լարսի անցակետի աշխատանքը էապես կբարելավվի․ եթե այսօր օրական 300 մեքենա է հատում անցակետը, ապա աշխատանքների ավարտից հետո նախատեսվում է թողունակությունը դարձնել շուրջ 3500 մեքենա։

 

Արփի Հակոբյան