08.11.2026 | 21:21
Առատ ձյան պատճառով Գորայք-Մեղրի ճանապարհը փակ է կցորդիչով բեռնատարների համար
Շինարարության ոլորտից այս տարի 18 մլրդ դրամ ենք հավաքագրել, Մարությանի օրոք զրո էր․ Ավինյան․ ՏԵՍԱՆՅՈՒԹ
Տնտեսություն
19.11.2024 | 15:25
Երևանի քաղաքապետ Տիգրան Ավինյանը ավագանու նիստում հայտարարեց, որ Երևանի քաղաքապետարանը շինարարության ոլորտից միայն այս տարի 18 մլրդ դրամ ավել է հավաքագրել:
«Գիտե՞ք՝ Հայկ Մարությանի ժամանակ այդ ոլորտից ինչքան էր հավաքագրվում տուրքերի, վճարների տեսքով․ զրո»,- ասաց նա՝ շեշտելով, որ 2020-21 թվականներին մեծ ծավալի շինթույլտվություններ են եղել։
Ավինյանը, դիմելով ընդդիմադիր խմբակցություններին, հարցրեց՝ գիտե՞ն, թե Երևանի քաղաքապետարանի սեփական եկամուտները վերջին տարիներին ինչ տենդենցով են աճել, ապա մանրամասնեց.
«Քաղաքի սեփական եկամուտները 2021թ. կազմել են 33 մլրդ դրամ, 2022թ.՝ 39 մլրդ դրամ, 2023թ.՝ 61 մլրդ դրամ, իսկ 2025թ. լինելու է 90 մլրդ դրամ: Տրանսպորտային համակարգը, որ փոխվում է, ամեն տարի, որ հարյուրավոր ավտոբուսներ, տասնյակ տրոլեյբուսներ ենք գնում, ո՞նց ենք անում. այո, փող կա, և շատ կարևոր է արձանագրել»:
Մանրամասները՝ տեսանյութում։
