22.12.2024 | 21:00
Երեխաները չգիտեն, թե ով է Սասունցի Դավթի արձանի հեղինակը. ապաքաղաքական զրույց Արայիկ Մանուկյանի հետ․ ՏԵՍԱՆՅՈՒԹ
ՌԴ-ն կարող է միջուկային պատասխան տալ Ուկրաինայի կողմից արևմտյան ոչ միջուկային հրթիռների կիրառմանը․ Պեսկով
Քաղաքականություն
19.11.2024 | 16:26
Ուկրաինայի Զինված ուժերի կողմից Ռուսաստանի դեմ արևմտյան ոչ միջուկային հրթիռների կիրառումը, միջուկային նոր դոկտրինով, կարող է հանգեցնել միջուկային պատասխանի: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։ Նա նշել է, որ ռուս զինվորականները շատ ուշադիր հետևում են իրավիճակին՝ հեռահար ATACMS հրթիռներ կիրառելու Կիևի մտադրության մասին հաղորդումներից հետո, գրում է Կոմերսանտը։
Լրագրողները Պեսկովից հետաքրքրվել են՝ արդյո՞ք Ռուսաստանը դիտարկում է, թարմացված միջուկային դոկտրինով, ուկրաինացի զինվորականների կողմից ոչ միջուկային ամերիկյան հրթիռների օգտագործումը որպես միջուկային պետության աջակցությամբ ոչ միջուկային պետության կողմից հարձակման մաս: Դոկտրինում նման սցենարը նշվում է որպես Ռուսաստանի համար միջուկային զենք կիրառելու հիմք։
«Դուք ինքներդ կարող եք ծանոթանալ պարբերություններին, բայց, ընդհանուր առմամբ, խոսքն այն մասին է, որ Ռուսաստանի Դաշնությունն իրեն իրավունք է վերապահում օգտագործել միջուկային զենք իր կամ Բելառուսի Հանրապետության դեմ սովորական զենքի կիրառմամբ ագրեսիայի դեպքում, որը կրիտիկական վտանգ է ներկայացնում ինքնիշխանության կամ տարածքային ամբողջականության համար։ Ռուսաստանի Դաշնության դեմ ագրեսիան ցանկացած ոչ միջուկային պետության կողմից միջուկայինի մասնակցությամբ կամ աջակցությամբ համարվում է համատեղ հարձակում»,- հայտարարել է Պեսկովը։
Հիշեցնենք, որ ՌԴ նախագահ Վլադիմիր Պուտինն այսօր ավելի վաղ հաստատել էր երկրի թարմացված միջուկային դոկտրինը։
Թարգմանությունը՝ Էմմա Չոբանյանի
