09.09.2026 | 14:22
ԱԺ առողջապահության հարցերի մշտական հանձնաժողովի նիստը․ ՈՒՂԻՂ
Պուտինը հաստատել է Ռուսաստանի թարմացված միջուկային դոկտրինը
Քաղաքականություն
19.11.2024 | 13:11
ՌԴ նախագահ Վլադիմիր Պուտինը հրամանագիր է ստորագրել «Միջուկային զսպման ոլորտում Ռուսաստանի Դաշնության պետական քաղաքականության հիմունքները հաստատելու մասին»։ Հրամանագիրն ուժի մեջ է մտել, գրում է Meduza-ն։
Թարմացված դոկտրինը ենթադրում է, որ միջուկային հարվածի հիմք կարող է լինել «ՌԴ-ի և նրա դաշնակիցների դեմ ցանկացած ոչ միջուկային պետության կողմից միջուկային պետության աջակցությամբ ագրեսիան», ինչպես նաև ոչ միջուկային միջոցներով զանգվածային օդային հարձակումը, այդ թվում՝ անօդաչու թռչող սարքերով։
Պուտինը սեպտեմբերի 25-ին ՌԴ Անվտանգության խորհրդի նիստում առաջարկել էր թարմացնել միջուկային զսպման դոկտրինը։ Ուշագրավ է, որ ՌԴ նախագահը թարմացված դոկտրինը հաստատել է երկու օր անց այն բանից հետո, երբ ԱՄՆ նախագահ Ջո Բայդենն Ուկրաինայի զինված ուժերին թույլատրել է հարձակումներ իրականացնել Ռուսաստանի տարածքի վրա՝ օգտագործելով ամերիկյան հեռահար ATACMS հրթիռները:
Թարգմանությունը՝ Էմմա Չոբանյանի
