30.04.2026 | 20:48
Մեր ազգն այժմ պետք է կենտրոնանա ներկայի և ապագայի վրա, այլ ոչ թե մնա անցյալում. Արարատ Միրզոյանի հարցազրույցը France 24-ին
Բլինքենի օգնականը հաստատել է, որ Բայդենը լիազորել է Ուկրաինայի ԶՈՒ-ին հարվածներ հասցնել Ռուսաստանի տարածքին
Քաղաքականություն
19.11.2024 | 15:43
ԱՄՆ պետքարտուղարի արևմտյան կիսագնդի հարցերով օգնական Բրայան Նիկոլսը հաստատել է, որ նախագահ Ջո Բայդենը թույլատրել է Ուկրաինային՝ հեռահար զենքով հարվածներ հասցնել Ռուսաստանի տարածքին։ Սա արգելքի վերացման մասին տեղեկատվության առաջին հաստատումն է ամերիկյան իշխանությունների ներկայացուցչի կողմից։
Նիկոլսի խոսքով՝ դա Կիևին ավելի շատ հնարավորություններ կտա պաշտպանվելու համար և, իր հերթին, Մոսկվային կմղի բանակցությունների։
«Զենքերը, որոնք նախագահ Բայդենը թույլ է տվել Ուկրաինային օգտագործել, նրան ավելի շատ հնարավորություն կտան պաշտպանել իրեն և, հուսով եմ, թույլ կտան Ռուսաստանին հասկանալ, որ ուժի կիրառումն Ուկրաինայի տարածքը գրավելու համար հաջողություն չի ունենա, և նա, գուցե, խաղաղության բանակցություններ վարի կամ, որ ավելի լավ է, պարզապես կհեռանա Ուկրաինայի տարածքից»,- ասել է Նիկոլսը O Globo-ին տված հարցազրույցում պատասխանելով հարցին՝ արդյո՞ք ԱՄՆ-ի որոշումը հակամարտության սրման պատճառ կդառնա։
Լրատվամիջոցները նոյեմբերի 17-ին հայտնել են, որ Ջո Բայդենը թույլ է տվել Ուկրաինային մինչև 300 կմ հեռահարությամբ ATACMS հրթիռներ օգտագործել Կուրսկի շրջանի վրա հարձակումների համար։ ԱՄՆ իշխանությունները ո՛չ հաստատել են, ո՛չ հերքել այս տեղեկությունը։
Թարգմանությունը՝ Տաթև Ֆռանգյանի
