05.05.2024 | 21:52
7 ոսկի և 2 արծաթ. Հայաստանի հավաքականը ավարտեց ելույթները ուշուի ԵԱ-ում
Վաշինգտոնն ու Փարիզը հաշտվել են հեռախոսով
Քաղաքականություն
23.09.2021 | 16:29
Վաշինգտոն վերադարձնել Ֆրանսիայի դեսպանին, մոտ ապագայում անձնական հանդիպում կազմակերպել և փաստել պայմանավորվելու երկկողմ ցանկությունը․ այս ամենի մասին են հասցրել պայմանավորվել ԱՄՆ-ի ու Ֆրանսիայի նախագահները կես ժամ տևած հեռախոսազրույցի ժամանակ, գրում է Euronews-ը։
Փարիզ զանգահարելու հարցում պնդել է անձամբ ԱՄՆ նախագահ Ջո Բայդենը՝ այն բանից հետո, երբ ֆրանսիացիներն ԱՄՆ-ին գրեթե մեղադրել են դավաճանության մեջ՝ AUKUS նոր պաշտպանական նախաձեռնության պատճառով, ինչի հետևանքով Փարիզը զրկվել է Ավստրալիայի հետ խոշոր պայմանագրից։
«Նախագահը հեռախոսազրույցի ժամանակ խոստովանել է, որ նոր դաշինքի ձևավորման մասին հայտարարությանը ճիշտ կլիներ նախորդեին ավելի լայն բանակցությունները։ Դա կարևոր ուղերձ է եղել, որը հնչեցվել է հեռախոսազրույցի ժամանակ»,- հայտարարել է Սպիտակ տան խոսնակ Ջեն Փսակին։
Ավելի վաղ Փարիզը հայտարարել էր, որ AUKUS եռակողմ դաշինքի անդամները կարևոր որոշումներ են կայացրել ֆրանսիացիների «մեջքի հետևում»: Բրիտանիայի վարչապետն էլ հայտարարել էր, թե ժամանակն է, որ Ֆրանսիան դադարի մտածել միայն իր մասին:
Տաթև Ֆռանգյան
