12.12.2024 | 16:38
Փաշինյանն ու ԵԽ գլխավոր քարտուղարը քննարկել են Հայաստան-ԵԽ գործընկերությանը վերաբերող հարցեր
Հակաիսրայելական գործողությունից հետո Իրանի դիրքը բարձրացել է աշխարհում. Ռաիսի
Քաղաքականություն
05.05.2024 | 19:37
Իրանի նախագահ Էբրահիմ Ռաիսին ասել է, որ անցյալ ամիս իսրայելական ռեժիմի դեմ իրականացված պատասխան գործողությունը բարձրացրել է Իրանի դիրքերը տարածաշրջանային և համաշխարհային տերությունների շրջանում: Այս մասին հաղորդում է Թասնիմ իրանական գործակալությունը։
Կիրակի օրը նահանգապետերի հետ հանդիպման ժամանակ Ռաիսին ողջունել է «Իսկական խոստում» գործողությունը, որը Իրանի զինված ուժերը անցած ամիս իրականացրել են իսրայելական ռազմական թիրախների դեմ՝ որպես Իրանի պատմության կարևոր իրադարձություն:
Ռաիսին ասել է, որ պատասխան գործողությունը բարձրացրել է Իրանի հզորությունը, արժանապատվությունն ու հույսը և ապացուցել, որ իրանցիները ձգտում են ազատ և անկախ կյանքի։
