16.12.2025 | 16:05
Մայր Աթոռի արձագանքը՝ պատարագների ընթացքում կաթողիկոսի անունը զեղչելուն
Եթե այսպես շարունակվի, վաղը կարող ենք ես, Նիկոլ Փաշինյանն ու մյուսները դառնալ քաղբանտարկյալ․Դավիթ Սանասարյան. ՏԵՍԱՆՅՈՒԹ
Քաղաքականություն
20.03.2018 | 13:56
«Սերժ Սարգսյանը սրանով ցույց տվեց, որ ովքեր իր դեմ դուրս կգան այսպիսի ծանր պատիժներ կստանան։ Եթե մարդիկ կհամակերպվեն այս ամենի հետ, կամ էլ երկրից կգնան, ապա մենք չենք կարող։ Սա ոչ թե Սերժ Սարգսյանի դուքանն է, այլ մեր երկիրը և անպայման պետք է պատասխան տան»,- անդրադառնալով «Ժիրայր Սեֆիլյանի և մյուսների» գործով հրապարակված դատավճռին՝ ասաց «Հանուն Հայաստան պետության» ճակատի անդամ Դավիթ Սանասարյանը։
Սանասարյանը նշեց, որ իր համար զարմանալի չէ այն, որ Սերժ Սարգսյանը ստեց՝ ասելով, որ վարչապետի պաշտոնին չի հավակնի․ «Սահմանադրությունը փոխելուց հետո նա իր գործողությունները կազմակերպեց այնպես, որ դառնա վարչապետ, ինքն իր նախորդներին խաբեց և վախենում է, որ իր հաջորդներն էլ իրեն կխաբեն»։
Factor.am-ի հարցին, թե ինչ փուլում են բանակցությունները ընդդիմադիր մյուս գործիչների հետ միասնական պայքար մղելու հարցում, Սանասարյանն ասաց, թե հույս ունի, որ առաջիկա օրերին կհանդիպեն և կքննարկեն համատեղ գործելու եզրերը․ «Եթե այսպես շարունակվի, վաղը կարող ենք ես, Նիկոլ Փաշինյանն ու մյուսները դառնալ քաղբանտարկյալ»։
Մանրամասները՝ տեսանյութում։
Լիլիթ Շաբոյան
