ՌԴ-ն Սյունիքում հենակետեր դրեց, որ Ադրբեջանի առաջ միջանցք բացի, ոչ թե պաշտպանի մեզ․ Ստեփան Գրիգորյան․ ՏԵՍԱՆՅՈւԹ

Factor TV-ն զրուցել է Գլոբալիզացիայի և տարածաշրջանային համագործակցության վերլուծական կենտրոնի ղեկավար Ստեփան Գրիգորյանի հետ․

-Պարո՛ն Գրիգորյան, սեպտեմբերի 16-ին Դուշանբեում տեղի կունենա ՀԱՊԿ խորհրդի նիստը, որի ժամանակ Հայաստանը կստանձնի ՀԱՊԿ-ի նախագահությունը։ Վարչապետ Նիկոլ Փաշինյանը ներկայացնելու է պետության առաջնահերթությունները, որոնք պետք է իրականացվեն։ Դուք ասում եք՝ չեք տեսնում հնարավորություն, որ ՀՀ-ն օգուտներ կստանա ՀԱՊԿ-ում նախագահությունն ստանձնելուց, ինչո՞ւ։

-Մենք փաստորեն ընտրել ենք անվտանգային համակարգ, որը չի ապահովում մեր անվտանգությունը։ Ու դա շատ մեծ մարտահրավեր է։ Մենք ի՞նչ ենք ասում աշխարհին՝ գիտե՞ք ինչ, մենք ընտրել ենք ՀԱՊԿ-ն, և շարունակում ենք այնտեղ մնալ։ Ու այն աշխարհը, որը մեր կողմն է՝ ԱՄՆ-ն, ԵՄ-ն, Ճապոնիան, Ավստրալիան, Նոր Զելանդիան, Կանադան, իրենք պատասխանում են՝ եթե դուք ընտրել եք, մենք հո չենք կարող ստիպել՝ չհարգել ՀԱՊԿ-ի խաղի կանոնները։ ՀԱՊԿ-ն, փաստ է, չի ապահովում մեր անվտանգությունը։ Նայե՛ք՝ թալիբների կողմից առկա վտանգը դեպի Տաջիկստան, Ուզբեկստան, Թուրքմենստան, պոտենցիալ է, ոչ մի վտանգ այսօր չկա, և թալիբներն այդքան ուժեղ էլ չեն, որ վտանգ ներկայացնեն, տեսե՛ք՝ ինչ համախմբում է ՀԱՊԿ-ում՝ համատեղ զորավարժություններ անցկացվեցին, հայտարարություններ արվեցին, ՌԴ-ն տանկեր նվիրեց Տաջիկստանին, զրահատեխնիկա, և տեխնիկա, որ ուսումնասիրեն՝ ինչ շարժ կա սահմանների շուրջ։

Տեսա՞ք՝ կոնկրետ քայլեր արվեցին։ Բայց մեր ուղղությամբ, երբ ոչ թե պոտոենցիալ վտանգ է, այլ Ադրբեջանն ուղղակի մեր սուվերեն տարածք մտավ Գեղարքունիքում և Սյունիքում, ոչ մի դրական արձագանք։ Այս վտանգները մեր նկատմամբ ՀԱՊԿ-ի պետությունները չեն դիտում որպես վտանգ՝ իրենց նկատմամբ, մինչդեռ Կենտրոնական Ասիայի ուղղությամբ՝ դեռ թալիբները չէին հարձակվել, կոնկրետ քայլերի գնաց ՌԴ-ն։ Ինչքան հասկացա, ռուսների դրած հենակետերը Սյունիքում ոչ թե մեզ պաշտպանելու համար էին, այլ Ադրբեջանի շահերն առաջ տանելու, նրանց առաջ միջանցք բացելու։

Հարցազրույցն ամբողջությամբ՝ տեսանյութում։

Ռոբերտ Անանյան