10.08.2026 | 13:40
Կանանց NBA-ում 3 միավորանոց նետումների ռեկորդ է գրանցվել. ՏԵՍԱՆՅՈՒԹ
ԱՄՆ-ում հայ պատգամավորներից հետաքրքրվել են ՀՀ-ում կոռուպցիայի և արտագաղթի խնդիրներից. ՏԵՍԱՆՅՈՒԹ
Քաղաքականություն
19.03.2018 | 14:57
««Հազարամյակի մարտահրավերներ»-ի հետ կապված մենք չունեինք ակնկալիք, որ պետք է գնայինք և վերջնական պայմանավորվածություններ ձեռք բերած վերադառնայինք։ Մեր խնդիրը եղել է այն, որ մենք ներկայացնենք այն տեղեկատվությունն, այն ամբողջ բարեփոխումները, որոնք մենք կատարել ենք։ Մեք ունենք վստահություն, որ ընկալում կար նվազագույնն այն ամենի մասին, որ Հայաստանը չի գտնվում այնտեղ, որտեղ կանգ էր առել, և այն բարեփոխումները, որոնք մենք կատարել ենք, տեսանելի են»,-այսօր լրագրողների հետ զրույցում, անդրադառնալով ԱՄՆ մեր պատգամավորների այցին և ձեռք բերած պայմանավորվածություններին, ասաց ԱԺ փոխնախագահ Արփինե Հովհաննսիյանը։
Հարցի վերաբերյալ իր տեսակետն արտահայտեց նաև ԱԺ ՀՅԴ խմբակցության պատգամավոր Աղվան Վարդանյանը և նշեց, որ բարեփոխումների առումով Հայաստանը շատ առաջ է օրինակ Ուկրաինայից և Մոլդովայից․ «Միայն մեկ խնդիր կա, որ իրենց մոտ հարց է առաջացնում․ դա կոռուպցիայի մասին հարցն է։ Այդ ոլորտում Հայաստանի կատարած ինստիտուցիոնալ բարեփոխումների մասին ինֆորմացիան մի քիչ ուշացած է տեղ հասնում»,-ընդգծեց պատգամավորը և հավելեց, որ Հայաստանը բավականին լուրջ քայլեր է ձեռնարկել «Հազարամյակի մարտահրավերներ» ծրագրում ընդգրկվելու և ԱՄՆ-ի կողմից ֆինանսական անհատույց աջակցություն ստանալու համար։
Մանրամասները՝ տեսանյութում
