14.09.2026 | 15:21
Չենք կարող բացառել, որ էսկալացիան կազդի նաև մեր տարածքի վրա․ Լեհաստանի վարչապետը՝ ռուսական հարվածների մասին
Վրաստանում տրանսպորտը չի գործի մինչև սեպտեմբերի 13-ը, ուսումնական գործընթացն էլ կմեկնարկի հեռավար կարգով
Քաղաքականություն
31.08.2021 | 18:04
Վրաստանի կառավարությանը կից գործող Կորոնավիրուսի տարածման կանխարգելման միջգերատեսչական խորհրդի որոշմամբ, հանրային տրանսպորտը չի գործի մինչև սեպտեմբերի 13 -ը. գրում է aliq.ge-ն:
Նշվում է, որ որոշումը կայացվել է իրավիճակի վերլուծության հիման վրա:
Հիշեցնենք` հանրային տրանսպորտը նախնական տվյալներով դադարեցրել էր գործունեությունը մինչև սեպտեմբերի 4 -ը:
Դարձյալ նույն ԶԼՄ-ի փոխանցմամբ՝ Վրաստանում ուսումնական գործընթացը կսկսվի հեռավար կարգով:
Վրաստանի կառավարությանը կից գործող միջգերատեսչական խորհրդի որոշմամբ` դպրոցներում ուսումնական գործընթացը հեռավար կարգով կմեկնարկի սեպտեմբերի 15-ից և կշարունակվի մինչև հոկտեմբերի 4-ը:
Խորհրդի որոշմամբ, նմանատիպ կանոնակարգեր կգործեն նաև բուհերում և մասնագիտական այլ հաստատություններում: Մինչև հոկտեմբերի 4-ը կարգելվի նաև պետական և մասնավոր մանկապարտեզների աշխատանքը:
«Մենք որոշել ենք առաջնորդվել տարբեր մոտեցումներով, ինչը նշանակում է հետևյալը՝ այն քաղաքում կամ գյուղում, որտեղ վարակի մակարդակը կլինի 4%-ից ցածր, հոկտեմբերի 4-ից հետո կրթությունը կվերսկսվի դասարաններում և լսարաններում, իսկ այնտեղ որտեղ 4 տոկոսից բարձր կլինի` ուսումնական գործընթացը կշարունակվի հեռավար կարգով», — նշել է ԿԳ նախարարը:
