25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
Եվրոպական խորհրդի ղեկավարը հայտարարել է Աֆղանստանում ահաբեկչության վերածննդի վտանգի մասին
Քաղաքականություն
26.08.2021 | 19:49
Եվրոպական խորհրդի ղեկավար Շառլ Միշելը Քաբուլում տեղի ունեցած պայթյունից հետո հայտարարել է, որ հույս ունի, որ Աֆղանստանում իրավիճակը չի հանգեցնի ահաբեկչության վերածննդի: Այս մասին գրում է ՌԻԱ Նովոստին։
«Շատ մտահոգված ենք Քաբուլում տեղի ունեցած պայթյունի մասին լուրերով և ուշի ուշով հետևում ենք իրավիճակին… Օդանավակայան անվտանգ անցումն ապահովելը շարունակում է կենսական նշանակություն ունենալ: Մենք պետք է ապահովենք, որ անկայուն իրավիճակը չհանգեցնի ահաբեկչության վերածննդի»,- Twitter-ի իր միկրոբլոգում գրել է Միշելը:
Նշենք, որ Քաբուլի օդանավակայանում այսօր տեղի ունեցած պայթյունի հետևանքով զոհեր և վիրավորներ կան։ Ըստ տեղեկությունների՝ պայթյունը, ենթադրաբար, իրականացվել է մահապարտ ահաբեկչի կողմից: Մի շարք լրատվամիջոցներ հայտնել են նաեւ պայթյունին հաջորդած փոխհրաձգության մասին:
