18.01.2026 | 17:17
Bild. Գերմանացի զինվորականները վաղաժամ և «առանց բացատրությունների» լքել են Գրենլանդիան
Ամերիկացի զինվորականներ են վիրավորվել Քաբուլի օդանավակայանի մոտ ահաբեկչության հետևանքով․ կան զոհեր. ԼՈՒՍԱՆԿԱՐՆԵՐ
Քաղաքականություն
26.08.2021 | 18:44
The Wall Street Journal-ը հայտնում է, որ Քաբուլի միջազգային օդանավակայանի մուտքի մոտ պայթյունն իրականացվել է աֆղանների խմբի մեջ, որոնք փորձել են մուտք գործել օդանավակայանի տարածք, որտեղից ամերիկացի զինվորականները հազարավոր ամերիկացիների ու աֆղանների են տարհանում։ Ըստ պարբերականի՝ առնվազն 3 ամերիկացի զինվորական է վիրավորվել։
Sky News Arabia-ն իր հերթին հայտնում է, որ օդանավակայանի հյուսիսային մուտքի մոտ պայթյունն իրականացրել է մահապարտ ահաբեկիչը: Աղբյուրի փոխանցմամբ՝ առնվազն 11 մարդ է զոհվել։ Al Jazeera հեռուստաալիքն էլ, վկայակոչելով անվտանգության ծառայությունում սեփական աղբյուրին, հայտնում է առնվազն 15 մարդու վիրավորվելու մասին:
Reuters-ի հաղորդմամբ՝ ԱՄՆ-ի ներկայացուցիչը հաստատել է, որ պայթյունը կարող էր իրականացնել մահապարտ ահաբեկիչը:
Տաթև Ֆռանգյան
