14.10.2026 | 18:32
Ուկրաինայի 3-րդ բանակային կորպուսը հայտնել է Լիմանի մոտ նոր հաջողությունների մասին
Դոնալդ Թրամփը հայտարարել է տիեզերական զորքեր ունենալու, իսկ Պուտինը՝ Մարս մոլորակ առաքելություն ուղարկելու մասին
Քաղաքականություն
15.03.2018 | 16:27
2019 թ.-ին Ռուսաստանն առաքելություն կուղարկի Մարս մոլորակ, իսկ Լուսնի ուսումնասիրության շրջանակներում ռուս մասնագետները կփորձեն վայրէջք կատարել բևեռներում: Այս մասին հայտարարել է ՌԴ նախագահ Վլադիմիր Պուտինը, հաղորդում է interfax.ru-ն:
«Մենք նախ անօդաչուներ ենք ուղարկելու, այնուհետև կփորձենք վայրէջքներ իրականացնել` տիեզերքի խորքն ուսումնասիրելու համար, իսկ 2019 թ.-ին պատրաստվում ենք առաքելություն ուղարկել Մարս մոլորակ», – ասել է Պուտինը:
«Մեր մասնագետները կփորձեն վայրէջք կատարել բևեռներում, քանի որ հիմքեր կան ենթադրելու, որ այնտեղ հնարավոր է ջուր լինի: Այնտեղ շատ բան կա անելու, այնտեղից կարելի է սկսել այլ մոլորակների և հեռավոր տիեզերքի ուսումնասիրությունը», – հավելել է նա:
Հիշեցնենք, որ օրեր առաջ ԱՄՆ նախագահ Դոնալդ Թրամփը հայտարարել էր տիեզերական զորքեր ունենալու մտադրության մասին: «Տիեզերքի վերաբերյալ ազգային իմ նոր ռազմավարությունն ընդունում է, որ տիեզերքում, ինչպես ցամաքում, օդում ու ջրում, կարող են իրականացվել ռազմական գործողություններ»,- ասել էր ԱՄՆ առաջնորդը:
