01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
ԱՄՆ-ը կարող է տիեզերական զորքեր ունենալ. Դոնալդ Թրամփ
Քաղաքականություն
14.03.2018 | 11:21
Դոնալդ Թրամփը հայտարարել է, որ ԱՄՆ-ում հնարավոր է զորքի նոր տեսակ հայտնվի՝ տիեզերական զորքեր, հայտնում է ria.ru-ն:
«Տիեզերքի վերաբերյալ ազգային իմ նոր ռազմավարությունն ընդունում է, որ տիեզերքում, ինչպես ցամաքում, օդում ու ջրում, կարող են իրականացվել ռազմական գործողություններ»,- ասել է ԱՄՆ առաջնորդը:
Նրա խոսքով՝ գաղափարը սկզբում լուրջ չի ընդունել, բայց հետո համոզվել է, որ հիանալի գաղափար է:
«Հնարավոր է՝ մենք պետք է դա անենք: Դա կարող է տեղի ունենալ»,- նշել է Թրամփը:
Փետրվարին ԱՄՆ ռազմաօդային ուժերի աշխատակազմի ղեկավար Դեվիդ Գոլդֆեյնը հայտարարել է, որ տիեզերական պատերազմը տարիների հարց է: Նրա խոսքով՝ Միացյալ նահանգները պետք է հասնի նրան, որ տիեզերքում անգերազանցելի դիրք ունենա:
