29.06.2026 | 19:28
ՔՊ նիստն ավարտվեց. Փաշինյանը մանրամասներ է հայտնում փակ նիստից. ՈՒՂԻՂ
Վանի հայկական գերեզմանոցը բուլդոզերով ավերել են
Քաղաքականություն
25.08.2021 | 18:08
Վանի Տուշպա շրջանի հայակական գերեզմանոցը բուլդոզերով ավերվել է, գրում է Bianet-ը։ Վանդալիզմը տեղի է ունեցել քաղաքի Քելեջիկ թաղամասում, որը հայաբնակ է եղել մինչև 1915-ի Հայոց ցեղասպանությունը։ Ըստ հրապարակման՝ տարածքի սեփանականտեր հանդես եկող անձը բուլդոզերներ է բերել և գերեզմանները վնասել։
Ժողովուրդների դեմոկրատական կուսակցության Վանի պատգամավոր Մուրատ Սարըսաչն այս մասին խորհրդարանում հարց է բարձրացրել։ «Լուսանկարներում երևում է, որ գերեզմանաքարերը վնասված են և գերեզմաններից տասնյակ ոսկորներ ցրվել են շուրջբոլորը»,- ասել է նա։
Պատգամավորը նաև նշել է, որ նման դեպքեր հաճախ են լինում Վանում, որը վկայում է, որ պատմական վանքերը, եկեղեցիները, գերեզմանոցները պաշտպանելու համար միջոցներ չեն ձեռնարկվում։
«2017-ին զուգարան, հանդերձարան ու ավտոկայանատեղի կառուցեցին Թումուլուսի ու Ջանի հայկական գերեզմանոցի վրա։ Գանձագողության ու իշխանությունների անփութության պատճառով պատմական, մշակութային կառույցները Վանում ու հարակից տարածքներում վնասվում են»,- ասել է Սարըսաչը։
Նա հարցրել է մեջլիսի փոխնախագահ Ֆուաթ Օքթային արդյո՞ք հետաքննություն սկսվել է այս դեպքի առնչությամբ, և ինչո՞ւ իշխանությունները չեն պաշտպանում հայկական գերեզմանոցները, մշակութային ու կրոնական ժառանգությունը։
Էմմա Չոբանյան
