02.03.2026 | 13:41
Սահմանադրության տեքստը գրեթե պատրաստ է, մարտի ընթացքում կհրապարակվի. Սրբուհի Գալյան․ ՏԵՍԱՆՅՈՒԹ
ԱԻՆ-ը շարունակում է հակահրդեհային տեղեկատվական արշավը հանգստյան գոտիներում
Հասարակություն
24.08.2021 | 21:01
Արտակարգ իրավիճակների նախարարության հակահրդեհային տեղեկատվական արշավը հանրապետության հանգստյան գոտիներում շարունակվում է: Այս մասին տեղեկացնում է ԱԻՆ-ը։
Անտառածածկ և խոտածածկ տարածքներում հրդեհների կանխարգելման նպատակով Դիլիջան ազգային պարկի տարածքում գտնվող «Պարզ լիճ» և Հաղարծին բնակավայրի, Ենոքավան, Աչաջուր համայնքների, Լոռու մարզի անտառածածկ տարածքներում և հանգստյան գոտիներում իրականացվում է բնակչության իրազեկման աշխատանքներ՝ հակահրդեհային անվտանգության կանոնների պահպանման վերաբերյալ:
ԱԻ նախարարության աշխատակիցները հերթապահ խմբերով և անօդաչու թռչող սարքի միջոցով հորդորում են՝ չկատարել այրում խոտածածկ տարածքներում, չթողնել խոտածածկ տարածքներում շշեր և ապակու կտորներ, դյուրավառ նյութերով ներծծված լաթեր, խարույկի համար պատրաստել հատուկ առանձնացված վայր, տվյալ վայրից հեռանալուց՝ խարույկը լիարժեք հանգցնել:
