18.01.2026 | 19:11
Խուսափեք երրորդ կողմերի միջամտությունից և հավելյալ վճարներից․ ՀՀ-ում ԱՄՆ դեսպանատնից զգուշացնում են
Թուրքական Դերսիմում ու Խոզաթում անտառային հրդեհները շարունակվում են
Քաղաքականություն
24.08.2021 | 16:54
Թուրքիայի հարավ-արևելքում գտնվող Խոզաթ և Դերսիմ բնակավայրերի շուրջ արդեն 6-րդ օրն է՝ շարունակվում են անտառային հրդեհները։ Խոզաթի քաղաքապետ Սեյֆի Գեդիկը թուրքական լրատվամիջոցին ասել է, որ չեն կարողանում արձագանքել հրդեհներին, քանի որ հրդեհի գոտի մուտքն արգելված է ռազմական գործողությունների պատճառով։
«Ես փորձեցի գնալ հրդեհի գոտի, սակայն ինձ չթողեցին անվտանգության նկատառումներից ելնելով։ Հրշեջ մեքենաները չեն կարող մտնել տարածք։ Ես խոսել եմ նահանգապետի հետ, նա ինձ ասաց, որ գործողությունը շարունակվում է, և քաղաքացիների մուտքն արգելված է»,- ասել է Գեդիկը։
Քաղաքապետը նաև նշել է, որ հրդեհի գոտում բնակավայրեր չկան, դրանք 1990-ականներին տարհանվել են հակամարտության ժամանակ ու հիմա համարվում են «անվտանգության հատուկ գոտի»։
Էմմա Չոբանյան
