20.05.2026 | 22:00
Փաշինյանը որ այդ քարտեզը բաժանում է, անգամ այդտեղից են տարածքներ զիջել․ երկիրը կործանման են տարել. Մանուկ Սուքիասյան. ՏԵՍԱՆՅՈՒԹ
Եվրոպայում ջրհեղեղները հաճախակի են դառնալու․ World Weather Attribution
Քաղաքականություն
24.08.2021 | 18:09
Գլոբալ տաքացումը մեծացնում է ծայրաաստիճան հորդառատ անձրևների հավանականությունը, որը կարող է հանկարծակի, ավերիչ ջրհեղեղների պատճառ դառնալ, ինչպես անցյալ ամիս Արևմտյան Եվրոպայում: Նման եզրահանգման են եկել World Weather Attribution խմբի փորձագետները, ովքեր պատմական գրառումների և համակարգչային մոդելավորումների միջոցով ուսումնասիրել են, թե ինչպես է ջերմաստիճանն ազդել անձրևների քանակի վրա 19 -րդ դարավերջից մինչ օրս, գրում է Euronews-ը:
Նրանք պարզել են, որ Նիդեռլանդներից մինչև Շվեյցարիա՝ եվրոպական լայն գոտում, միջին օրական տեղումների քանակն ավելացել է 3–19% -ով այն ժամանակահատվածում, երբ գլոբալ ջերմաստիճանը բարձրացել է 1,2 աստիճան Ցելսիուսով: Երեքշաբթի հրապարակված զեկույցում նշվում է, որ մոլորակի տաքացման յուրաքանչյուր աստիճանի դիմաց օդը կարող է 7%-ով ավելի ջուր կլանել՝ առաջացնելով ավելի ուժեղ անձրևներ:
Հետազոտությունն իրականացրել են եվրոպական վեց երկրներից և ԱՄՆ-ից գրեթե 40 մասնագետներ: Ըստ նրանց հաշվարկների ՝ վերջին տարիներին որոշ շրջաններում ուժեղ հորդառատ անձրևների հետևանքով ջրհեղեղների հավանականությունը աճել է 9 անգամ:
Տաթև Ֆռանգյան
