Քաղաքականություն
17.08.2021 | 14:39Ազգային ժողովի արտահերթ նիստում այսօր քննարկվում է կառավարության հեղինակած «Սևանա լճի էկոհամակարգի վերականգնման, պահպանման, վերարտադրման և օգտագործման միջոցառումների տարեկան ու համալիր ծրագրերը հաստատելու մասին» օրենքում լրացումներ կատարելու մասին նախագիծը:
Ջրային կոմիտեի նախագահ Կարեն Սարգսյանը կոշտ արձագանք տվեց ընդդիմադիր խմբակցությունների պատգամավորներին, ովքեր իրենց ելույթներում քննադատեցին Սևանից հավելյալ ջրառի վերաբերյալ նախագիծը։
Կարեն Սարգսյանը, դիմելով «Հայաստան» դաշինքից Արծվիկ Մինասյանին, նշեց. «Մանպուլյացիայի մասին եք խոսում, բայց իրական մանիպուլյատորը դուք եք… Ներկայացնում եք նկարած թվեր, որոնք իրականության հետ կապ չուեն, ո՞ւմ եք հաճոյանում, իսկ ես կներկայացնեմ իրական թվերը»։
Սարգսյանն անդրադարձավ նաև «Հայաստան» դաշինքից Թադևոս Ավետիսյանի դիատրկումներին, ով ջրային կոմիտեի նախագահին մեղադրել էր վատ կառավարման և իշխանությանն արդարացնելու համար և ասել էր. «Հիմա Հադրութն ու Շուշին հայկական չեն․ եթե մի օր Սևանը չեղավ, ումի՞ց ենք ջուր վերցնելու»։
Սարգսյանը վրդովված պատասխանեց․ «Սեպտեմբերի 28-ից եղել եմ ռազմի դաշտում։ Նոյեմբերի տասներեքին նոր հետ եմ եկել։ Այն ժամանակ, երբ դուք վախենում էիք Քարվաճառով մտնել, որովհետև երկու ճանապարհներն էլ ռմբակոծվում էին, իմ անձնական մեքենայով վիրավորների ու զոհվածների էի հանում Քարվաճառից։ Էս ի՞նչ հանձնելու մասին եք խոսում…, հիմա էլ՝ Սևանը հանձնելու․․․»։
Արծվիկ Մինասյանը տեղից ինչ-որ բան ասաց, դահլիճում աղմուկ բարձրացավ, ԱԺ փոխնախագահ Ռուբեն Ռուբինյանը հորդորեց լռություն պահպանել, տեղից չարձագանքել:
«Չմոռանաք, որ առաջին պատերազմում կորցրել եմ հորեղբոր տղա, իսկ այն դիվերսանտները, որոնց հանձնեցինք, որ մեր գերիները հետ գան տուն, եղբորս՝ մայոր Աբրահամյանին սպանողներն էին։ Բայց մենք համաձայն ենք եղել, որ մեր գերիները տուն գան։ Այս պատերազմում էլ հորեղբորս թոռն է զոհվել․․․ Այդ ինչի՞ մասիք եք խոսում, սաղդ դառել եք հայրենասեր, մենք էլ ստեղ Սևան ենք ծախո՞ւմ»։
Մանրամասները՝ տեսանյութում:
